Para dy javësh u fol se Broja do të rreshtohej me Uest Hemin, i cili kishte shfaqur interesim për ta patur në radhët e veta.
Mësohet se rrethanat kanë ndryshuar dhe duket se Uest Hemi është pranë finalizimit të marrëveshjes me Xhianluka Skamakën që vjen nga Seria A
Mediat italiane shkruajnë se klubi anglez ka gjetur akordin me Sasuolon dhe do t’i paguajë italianëve rreth 42 milionë euro për kartonin e Skamakës, i cili ka rënë gjithashtu dakord për këtë transferim.
Në këto kushte, Brojës nuk i mbetet tjetër veç qëndrimit te Çelsi, klubi që i përket.
