Këtë e pohon Enkelejd Alibeaj në faqen e tij publike në “Facebook”.
Ja postimi i tij :
Së bashku me kolegët e Grupit Parlamentar të Partisë Demokratike, deputetet znj. Orjola Pampuri, znj. Ilda Dhori dhe sekretarja e Grupit znj. Dorilda Kaçuli, zhvilluam një takim miqësor me deputetë përfaqësues të Grupit të Miqësisë Greqi-Shqipëri nga Parlamenti grek, kryesuar nga kryetari i këtij grupi Z. Vassilios Giogiakas, Znj. Maria Kefala, Deputete Nën Kryetare e Grupit të Miqësisë Greqi-Shqipëri si dhe Z. Konstantinos Barkas, Deputet, Sekretar i Grupit të Miqësisë Greqi – Shqipëri.
Në qendër të bisedës me kolegët nga Greqia ishte rëndësia që ka promovimi i interesave të përbashkëta të Shqipërisë dhe Greqisë, raportet e fqinjësisë së mirë dhe reciprocitetit. Gjithashtu theksuam rëndësinë e bashkëpunimit ndërparlamentar dhe dialogut të ndërsjellë mes dy vendeve si rrugë për zgjidhjen e problematikave që mund të hasen.
Përfaqësuesit e Parlamentit të Greqisë, siguruan mbështetje të Shqipërisë për procesin e integrimit në BE. Ndërsa Grupi Parlamentar i PD theksoi rëndësinë e integrimit të Shqipërisë si mundësi që do të zhdukë çdo divergjencë në rajon.
Përfaqësuesit e Parlamentit të Greqisë, siguruan mbështetje të Shqipërisë për procesin e integrimit në BE. Ndërsa Grupi Parlamentar i PD theksoi rëndësinë e integrimit të Shqipërisë si mundësi që do të zhdukë çdo divergjencë në rajon.
