Diskutimi në Komisionin e Posaçëm të Reformës Teritoriale.
Do të kisha propozim ekstra për grupet e interesit dhe institucionet apo aktorët që duhet të jenë pjesë e axhendës sonë!
Ngul këmbë që komisioni i reformës territorial duhet të gjejë modalitetin me Kosovë, Malin e zi dhe RMV, s’po them që ato të vijnë këtu dhe të dëshmojnë, por ky Komision të ndërmarrë një tur të shpejtë në këto tre vende, për të parë risitë e tyre në raport me ne.
Që të mos shkojmë tek shpikja e rrotës por të bëjmë implementimin e standardeve që kanë evoluar tek ato në raport me ne.
Po ashtu propozoj që Kongresi i Autoriteteve Lokale Europiane, që është aktor shumë i rëndësishëm, unë do të propozoj që të gjendet mundësia e komunikimit dhe e shkuarjes për të marrë disa direktiva ose standarte të pavarësisë financiare dhe të decentralizimit që aktualisht më shumë se ato askush tjetër, nuk është i specializuar, dhe besoj se do të ndikojë në këtë drejtim për të përftuar një reformë bashkohore vendore!
Pra, në këtë mënyrë është mirë të bëjmë edhe një alternim për propozimet që bëra që të jenë pjesë substanciale e reformës!
Lidhur me Kosovën, RMV ose Malin e Zi, duhet të shkoj komisioni i tëri, ose duhet të shkojnë një përfaqësim i dyanshëm (ish kryetar bashkishë), që janë aktualisht deputet dhe 4 apo 6 ekspertët, por këtë nuk duhet ta neglizhojmë.
Kemi mundësi që në këto 3 shtete të përfitojmë pjesë të reformës që janë më bashkohore se ne dhe më pranë standarteve rë vendeve të BE-së.
Në raport me Kongresin e Autoriteteve Vendore, mundet që një nukël i vogël deputetesh dhe katër përfaqësuesit ose ekspertët të shkojnë për të marrë orientimet apo direktivat e mjaftueshme që besoj se do të kontribuojnë.
