Një gjyshe është fotografuar në Novi Sad me rroba banje me flamurin shqiptar. Siç raporton Magazin-Novi Sad, por edhe media të tjera, fotoja është bërë në Novi Sad Strand, plazh në këtë zonë.
Në foto duket një grua e moshuar e ulur në një stol, e cila ka të veshur rroba banje me flamurin shqiptar, ndërsa në dorë mban telefonin.
Në postimin e publikuar në instagram shtrohet pyetja: A është ky një provokim i qëllimshëm? Reagimet kanë qenë të shumta, duke thënë se gjyshja nuk e ka ditur fare se çfarë kuptimi ka flamuri që mban në reçipetat e saj.
“Mos i kushtoni rëndësi”, ka shkruar një përdorues.
Ndërsa një tjetër thotë se të gjithë debatin e bën politika: “Unë isha në mes të Shqipërisë me stemën në bluzë dhe askush nuk më tha asnjë fjalë. Politikanët e bëjnë gjithë këtë urrejtje, dhe ulen, pinë e hanë bashkë dhe bëjnë kombinime, ndërsa njerëzit e thjeshtë duan të vdesin për ndonjë marrëzi”
