Prindër, nxënës dhe mësues të shkollës “Llazar Dashi” në lagjen
“Sheq i madh” denoncojnë, korrupsionin dhe papërgjegjshmërinë e Bashkisë dhe Qeverisë , në të njëjtën kohë kërkojnë ndihmë, për normalizim të situatës shumë të rrezikshme të krijuar në këtë shkollë!
Sheqi është një lagje në periferi të qytetit të Fierit, por lagje e vjetër dhe shumë e rëndësishme.
Problematikat e kësaj lagjeje janë të mëdha, si dhe ne gjithë Bashkinë Fier, por ajo më emergjente është shkolla, pasi rrezikohet jeta e nxënësve dhe mësuesëve që frekuentojnë këtë shkollë.
Shkolla e Sheqit “Llazar Dashi” është në gjendje të frikshme dhe e dëmtuar rëndë fizikisht, nxënësit mësojnë në kushte të vështira!
Në ambjentet e shkollës gjatë gjithë vitit klasat kanë qenë pa xhama, shumë të ftohta dhe plotë lagështi, tualete të rrënuara dhe shpesh herë, gjatë dimrit, bllokohen nga shirat.
Në raste të tilla, kutërbimi i ujërave të zeza bëhet i padurueshëm në ambjentet e shkollës!
Shkolla është jashtë çdo funksioni, e pa banueshme dhe rrezikon jetën e mbi 100 fëmijëve dhe 16 mësuesve !
Tërmeti i 2019 ka theksuar edhe më shumë problemet në strukturën e shkollës, ku një kolonë mbajtëse, që lidhet edhe me katin e dytë është gati për t’u rrëzuar në lëkundjen më të parë!
Nga shpërthimet e provokuara gjatë punimeve për kërkimin e naftës në fshatrat afër si në Sheqishte dhe Marinz, por edhe nga ndonjë tërmet i mundshëm, jeta e fëmijëve dhe e personelit arsimor është e rrezikuar seriozisht!
Që prej shtatorit të 2021 bashkia ka miratuar fondin për të zbatuar projektin, por edhe pse u mbyll një vitë akademik, shkolla nuk ka nisur të ndërtohet!
Ku janë premtimet e bujshme në çdo fushatë ?
Ku janë fondet e akorduara për ndërtimin e shkollës?
Ku ka shkuar buxheti për ndërtimin e shkollës Sheq ?
Përse banorët e Sheqit kanë vite që gënjehen për ndertimin e shkollës dhe ambjenteve të kopshtit?
Këto janë pyetje që duan përgjigje !
E gjithë kjo situatë ka çuar në braktisje të shkollës prej nxënësve duke frekuentuar mësimin në shkolla rreth 1-2 km me larg dhe në brendësi të qytetit, ku nxënësit, për çdo ditë, janë të detyruar të kalojnë në rrugën kryesore nacionale që është dhe burim aksidenti.
Jeta e fëmijëve, mosha e të cilëve fillon me 6-15 vjeç është çdo ditë në rrezik!
Denoncimi vjen, nga prindër, nxënës, dhe mësues të kësaj shkolle dhe paralajmërojnë protestë të pa ndalshme deri në realizimin e kërkesave të tyre!
Ne jemi në mbështetje të tyre dhe do të jemi bashkë me ta, në çdo iniciativë të tyre, për zgjidhjen e problemeve të shkaktuara nga papërgjegjshmëria e bandës së hajduteve në pushtet!
Ju bëjë thirrje mësuesve të nderuar të kësaj shkolle dhe gjithë mësuesëve në të gjitha shkollat e tjera, të ngrenë zërin për problemet dhe shqetësimet që kanë, të mposhtin frikën dhe mos te pranojnë presionet e drejtuesve të tyre dhe të pushtetarëve të korruptuar!
Ne jemi në mbeshtetje të tyre, pa asnjë rezervë!
◦
