Jo vetëm në Shqipëri, por edhe Kosova ka probleme me adoleshentët e shkollave të mesme më së shumti.
Në një aksion të Policisë nëpër shkolla janë gjetur e sekuestruar dhjetëra armë zjarri, armë të ftohta, elektroshok e narkotik.
Dhjetëra të shoqëruar e disa të arrestuar për këto vepra.
Policia e Kosovës që nga fillimi i muajit shkurt 2022 kishte nisur një aksion të koduar ‘’Siguria në shkolla 2022’’.
Në kuadër të këtij plani, pas disa kontrolleve të zhvilluara nga hetues rajonalë me rroba civile, të mbështetur edhe nga njësi të tjera kanë ndaluar dhe kontrolluar shumë nxënës në afërsi të shkollave dhe persona tjerë në rrugë të ndryshme të qytetit.
Gjithashtu, janë kontrolluar disa lokale, shtëpi dhe objekte ku si prova materiale janë gjetur dhe konfiskuar: – Armë zjarri (pistoleta), pesë (5). – Armë të gjata gjysmë automatike dy ( 2) , – Sasi e municionit, – Thika, 40 copa, kryesisht të nxënësve të shkollave të mesme, – Boksa
metali, 10 copë, te nxënësit e shkollave të mesme, – Mulli për bluarje të marihuanës 6 copë, – Shufra metali, 4 copë, – Elektro shok, 1 copë.
Për të ndaluarit nga policia ka nisur hetimi dhe disa janë arrestuar.
