Fëmijët shqiptarë në Merano të Italisë mbyllën vitin shkollor, festojnë shqip.
Me këtë rast ata kanë organizuar një festë të madhe, veshur me kostume kombëtare, recituar e kënduar shqip.
Është mësuesja, në të njëjtën kohë këshilltare në Komunën e Merano, Dhurata Tusha, që i ka mësuar gjithë kohën dhe ka organizuar këtë aktivitet të mrekullueshëm.
“Koncert i bilbilave trashëgimtarë të gjuhës Shqipe në Merano Itali.🇦🇱🇽🇰”
Kështu e kanë pagëzuar fëmijët koncertin e tyre festiv.
Aktiviteti u organizua me fëmijët e shkollave Shqipe: “Merano- Lana”
Ja postimi i mësuese Dhurata Tusha:
“Koncert me këngë, valle, recitime, prezantime artistike e folklorike.
Festuam, kënduam , recituam , aktruam në gjuhën e bukur Shqipe.🇦🇱🇦🇱
Të shikosh brezin e ardhshëm se si feston është krenari dhe shpresë! Ju jeni e ardhmja, ruajeni e trashëgojeni gjuhën. Jeni rreze drite, rreze shprese, rrezja e përjetësisë. Falënderoj çdo njërin nga ju pjesëmarrës, por në veçanti fëmijët, që e bënë këtë ditë kaq të bukur e të veçantë.
Falënderojmë prindërit që na mbështesin e që besojnë në punën tonë.🇦🇱🇦🇱
