Ditën e sotme, policia po ushtron në kontroll të gjerë në rrethin e Fierit.
Mësohet se po veprohet me një plan operacional për kontrollin e ambienteve të mbyllura dhe të hapura, me qëllim parandalimin e kultivimit të bimëve narkotike, në të gjithë territorin që mbulon Komisariati i Policisë Fier.
Janë angazhuar 100 punonjës policie të Komisariatit të Policisë Fier, të Sektorit Operacional dhe të Hetimit të Krimit në DVP Fier, me mbështetje edhe të FNSH Fier.
Si rezultat i kontrolleve të territorit, në fshatin Martinë, u gjetën të kultivuar fidanë cannabis sativa.
Kontrollet masive të territorit do të vijojnë dhe Drejtoria Vendore e Policisë Fier fton qytetarët që të bashkëpunojnë me Policinë, duke denoncuar në numrin pa pagesë 112 dhe Komisariatin Dixhital, çdo rast që ata konstatojnë apo çdo informacion që disponojnë, në lidhje me rastet e tentativës për kultivim të bimëve narkotike, si dhe iu garanton qytetarëve anonimat të plotë, reagim të menjëhershëm dhe të paanshëm.
Për rastin e konstatuar në fshatin Martin, me procedurat hetimore po merret prokuroria Fier.
