Bill Gates duket se nuk ka simpati për i kriptomonedhat apo aseteve digjitale të njohura si NFT.
Në një konferencë të TechCrunch, Gates u shpreh, se tendenca e aseteve digjitale, janë të bazuara 100% në teorinë e budallait të madh.
Investitorët mund të fitojnë para përmes aseteve që nuk kanë vlerë, përsa kohë ka njerëz që janë të gatshëm t’i blejnë me vlera të majme, deklaroi ai
Gates ironizoi dhe NFT-të që kanë figurat e majmunëve, për të cilët tha se ato do të kenë një ndikim jashtëzakonisht të madh në botën tonë.
Gates pohoi se mbetet besnik për investimin e modës së vjetër
“Unë jam mësuar me klasat e aseteve, si një fermë ku ata kanë prodhim, ose si një kompani ku prodhojnë produkte,” tha ai.
Komentet e tij vijnë teksa bitcoin dhe kriptovalutat e tjera po humbin pikë në tregun virtual.
Bitcoin pati pikun më të lartë në nëntor 2021, ku vlera i shkoi 69,000 dollarë.
Pastaj kurba filloi zbritjen dhe aktualisht, kriptomonedha më e njohur ka rënë nën 23,000 dollarë.
