Lideri historik i demokratëve ka reaguar sot për vizitën e Kryeministrit Rama në Kiev.
Ish kryeministri Berisha bënë akuza të forta ndaj politikës dyfytyrëshe të qeverisë shqiptare, sikurse shprehet ai në statusin e postuar sot.
Të dashur miq,
Rama shkoi në Ukrainë i shoqëruar vetem nga Baton Stanishiq, Arben Malavita dhe Elisa e Skederbuçit.
Nga udhëtimi u përjashtuan ministri i mbrojtjes Peleshi dhe e jashtmia Xhaçka. Udhëtimi i këtyre të fundit u refuzua nga vetë Rama. Kjo, sepse ai e dinte se në bisedime Presidenti Zelenski do ti ngrinte Ramës çeshtjen e qëndrimit të tij të dyfishtë ndaj agresionit rus kundër Ukrainës.
Dihet se Shqipëria nga njëra anë ka denoncuar agresionin rus ndaj Ukrainës dhe zbatuar sanksionet ndaj Rusisë, por nga ana tjetër, Edi Rama pranon turistët rus vrasës, përdhunues dhe pengmarrës në luftën në Ukrainë, të cilët vijnë nga Beogradi në Shqipëri per pushime dhe energji te reja për tu kthyer me pas në front dhe vazhduar genocidin e krimet kundër njerëzimit, kundër qytetarëve të Ukrainës.
Përveç kësaj, Rama, në shkelje të sanksioneve, ka lejuar ankorime misterioze të anijeve ruse në portet tona. Keto bisedime nuk mund ti dëgjonin Peleshi dhe Xhaçka, sepse pa u kthyer në Shqipëri, gojët e tyre që nuk mbyllen kurrë, do të zbardhnin çdo gjë.
Duke përfunduar, dënoj me ashpërsinë më të madhe politikën dy-fytyrëshe të Edi Ramës ndaj Ukrainës dhe kërkoj që kjo politikë të marrë fund menjëherë.
