Janë zbardhur detaje nga ngjarja e rëndë që ndodhi mbrëmjen e së enjtes në Durrës, ku një automjet nuk iu bind urdhrit të policisë për të ndaluar, duke marrë përpara dhe plagosur dy policë.
Burime nga policia bëjnë me dije se automjeti i cili po lëvizte në sens të kundër, nuk ka zbatuar urdhrin për të ndaluar dhe ka përplasur dy efektivët, të cilët janë transportuar në spitalin e qytetit.
Forcat Operacionale kanë arritur të bllokojnë automjetin që nuk iu bind urdhrit të policisë, si dhe kanë arrestuar njërin prej personave që ndodhej në mjet. Atij iu sekuestrua një armë zjarri tip pistoletë.
Vijon puna për identifikimin dhe arrestimin e personit të dytë.
Durrës/Informacion paraprak
Më datë 09.06.2022, rreth orës 22.40, në lagjen nr 1, Durrës, një automjet me drejtues shtetasin H.P, lëviste në sens të kundërt.
Forcat operacionale të DVP Durrës që ishin me shërbim në këtë zonë i kanë bëre shenjë për të ndaluar por drejtuesi i automjetit ka vijuar lëvizjen me shpejtësi duke përplasur punonjësit e policisë. Si pasojë njëri prej punonjësve të policisë, shtetasi G.M, është dëmtuar dhe ndodhet në spital për ndihmë mjeksore, jashtë rrezikut për jetën.
Forcat operacionale të DVP Durrës janë vënë në ndjekje ku kanë bërë të mundur kapjen e personit që ndodhej në mjet, konkretisht shtetasin H.P, i cili kishte me vete armë zjarri pistoletë.
Grupi hetimor në bashkëpunim me AMP, nën drejtimin e Prokurorisë vijon punën për sqarimin e plotë të rrethanave dhe dokumentimin ligjor të kësaj ngjarjeje.
