Kështu deklaroi ish kryeministri Berisha për mediat jashtë Parlamentit.
Ai u shpreh se Presidenti e humb fuqinë për të dekretuar akte në momentin që është jashtë vendit.
Qëndrimi i tij ka lidhje me dekretin që Meta firmosi sot nga Stambolli, për lirimin nga detyra si Shef i Shtabit të Përgjithshëm për gjeneral Bajram Begaj i propozuar për President Republike
“Presidenti humbet fuqinë e dekreteve jashtë territorit të vendit të tij. Jashtë territorit nuk ka dekret. Kur je jashtë vendit, Kryetar Shteti është kryetari i Parlamentit. Ky është rregulli i Evropës. Nuk e imagjinonim që mund të kishte një shkelje të tillë kushtetuese. Jemi në kushtet e shkeljes flagrante të Kushtetutës. Ndaj kërkova ta bëj këtë deklaratë në Kuvend, por zonja Linda që e ka si me celës Parlamentin, nuk ma dha fjalën. Nuk ka sallë asambleje në botë, përfshirë ajo e OKB, që kur kërkon fjalën për cështje procedure, nuk të jepet fjala, kjo ndodh vetëm në Parlamentin shqiptar, që znj. Lindita e përdor si dyqanin e vet”, tha Berisha.
