Mos harroni! Sot hiqen nga qarkullimi qeset plastike.

Duke nisur nga sot, 1 qershor 2022, në blerjet e artikujve të përditshëm nuk do të ketë qese plastike.
Do të ketë kontrolle dhe penalitete jo vetëm për subjektet tregtare, por edhe për konsumatorët.
Gjithsesi, qeset e trasha, çantat e trasha plastike që janë shumëpërdorimshme, nuk ndalohen.
Ligji ka të miratuara specifikimet e qeseve të lejueshme në qarkullim. “Përjashtohen nga zbatimi i këtij vendimi, qeset plastike mbajtëse dhe qeset plastike mbajtëse të oxo-degradueshme apo të oxo-biodegradueshme, me trashësi për çdo anë 70 dhe më të madhe se 70 mikron, me kapacitet mbajtës 10 dhe mbi 10 kilogramë, me përmasa jo më pak se 50 cm gjatësia dhe 24 cm gjerësia”
Shkurt, ju që bëni blerjet e ditës, mos harroni të keni me vete çantën e pazareve!