Sot në Roterdam të Holandës u zhvillua kongresi i Partive Popullore të Europës, ku Partia Demokratike e Shqipërisë është anëtare.
Krahas çështjeve të tjera të rendit të ditës, u zhvilluan zgjedhjet edhe për presidentin e grupimit politik më të madh të Evropës.
Pikërisht për zgjedhjen e kreut të PPE, ka reaguar deputeti demokrat.
Ja postimi i plotë i Z. Shehu
“Manfred Weber zgjidhet President i PPE me 447 vota.
Lajm i mirë ky për Europën, PPE, por edhe për rajonin tonë e Shqipërinë.
Presidenti i ri është një konservator në politikat e tij, prej CDU gjermane.
Një europeist i qartë e i vendosur në pozicionet e tij.
Një njohës i mirë edhe i Rajonit tone, i problemeve këtu, por dhe një mbështetës i pa lëkundur i alternativës sonë të integrimit europian.
Pa dyshim nën presidencën e tij PPE do të forcohet edhe më tej, do të konsolidohet më fort mbi parimet e vlerat europiane, të cilat për Weber janë një “busull” politike e pa ndryshueshme.
Urime!”
