Alarmante, në 100 të rinj, 70 prej tyre duan të ikin nga Shqipëria.
Situata demografike në atdheun tonë po mbërrin drejt alarmit “Sos”.
71% e të rinjve rreth moshës 14-15 vjeç pas 4 ose 5 vjetësh, pra kur të mbushin moshën 18 vjeç, duan të ikin nga Shqipëria, pasi nuk e shohin të ardhmen e tyre në qytetin e Elbasanit, sipas këtij studimi.
Kampioni i Elbasanit vlen edhe për gjithë Shqipërinë.
Sot fëmijët e kuptojnë të zymtë e të pashpresë të ardhmen e tyre në Shqipëri dhe bëjnë zgjedhjen më të thjeshtë, largimin nga Shqipëria.
Shpopullimi nuk ka vetëm anën ekonomike si arsye kryesore, por ka edhe mungesën e meritokracisë, pabarazisë para ligjit e të drejtës, e cila ngjall pasiguri në çdo fushë e sidomos për këtë brez të adoleshencës, i cili përcakton në këto vite, se cilën fushë të arsimit të lartë do të ndjekë dhe drejtimin në jetë.
Na duhet një reagim i fortë ndaj këtij pushteti të korruptuar e kriminal përtej politikës dhe dasive, pasi brenda 10 viteve do të ngelemi 500 mijë shqiptarë dhe me 2 milion emigrantë nga Bangladeshi e India, që hyjne pa viza edhe sot në Shqipëri!
Po flasim për Elbasanin, që ka edhe Universitet, po një rreth që s’ka univesitet apo është edhe më periferik në Shqipëri?
Ç’ndodh atëherë? Braktisje dhe shpopullim total, ku në stinën e verës, për disa vite do të dëgjohet vetëm gjinkalla dhe bilbili !
Ky studim është realizuar nga Silvana Xheka per llogari te shoqatës INAC, i mbeshtetur nga “The Resilience Fund” dhe “The Global Initiative Against Transnational Organized Crime”.
Ky është shqetësimi esencial për realitetin e trishtë të vendit tonë.
Fjalët e mëtejshme nuk kanë asnjë koment, asnjë vlerë.
Nuk është dramë, por sipari i një tragjedie kombëtare.
