Biznesmeni francez Jacques Bouthier u arrestua nga policia i akuzuar për trafikim të qenieve njerëzore dhe abuzim seksual ndaj të miturve.
Për vite me radhë, biznesmeni 75-vjeçar dyshohet se ka abuzuar me vajza nga mosha 14 deri në 16 vjeç.
Adoleshentet jetonin të gjitha së bashku në një apartament të paguar nga milioneri.
Biznesmeni i trajtonte si skllave seksi dhe i nxirrte nga shtëpia kur mbushnin moshën madhore, për t’i zëvendësuar me vajza më të reja.
Bouthier është një figurë e njohur në botën e kompanive të sigurimit si themelues dhe drejtor i kompanisë Assu 2000.
Një e re 22-vjeçare ka denoncuar abuzimin ndaj të miturave, duke çuar në arrestimin e tij pak ditë më parë.
Bouthier e themeloi kompaninë e tij në vitin 1975 në moshën 28-vjeçare. Kompania e tij ka 1800 punonjës që menaxhojnë 720.000 polica sigurimi në Francë.
Në vitin 2020, revista Challenges e vendosi biznesmenin në vendin e 487-të në renditjen e personazheve më me ndikim në Francë.
