Policia e Tiranës ka vënë në pranga një 29-vjeçar nga Tirana. Ky i fundit i identifikuar si Eraldo Dervishi shantazhonte një 19-vjeçare nga Brazili. Shqiptari kërcënonte brazilianen që do t’i publikonte videot intime nëse nuk i jepte para. Ka qenë vajza nga Brazili ajo e cila kreu kallëzimin në polici pas shantazheve të shumta që i bënte shqiptari. Pas operacionit ‘Extorntion’, është bërë e mundur kapja dhe arrestimi i 29-vjeçarit. Mësohet se braziliania dhe 29-vjeçari shqiptar janë njohur në rrjete sociale dhe braziliania i çonte video intime.
Njoftimi i policisë:
Finalizohet operacioni policor i koduar “Extortion”, i zhvilluar nga Komisariati Nr. 6 Shantazhonte një shtetase, që t’i jepte shuma parash, për mospublikimin e disa videove, vihet në pranga 29-vjeçari.Sekuestrohen një aparat celular dhe një pasaportë.Shërbimet e Komisariatit të Policisë Nr. 6, në vijim të punës për parandalimin dhe goditjen e paligjshmërisë, pas kallëzimit të marrë nga një shtetase 19 vjeçe, nga Brazili, se një shtetas e shantazhonte për dhënie pasurie, që të mos i publikonte një video, në rrjetet sociale, menjëherë kanë vepruar duke identifikuar dhe arrestuar Dervishin.
