Ish-sekretari amerikan i Shtetit, Mike Pompeo, mori pjesë në disa takime sot në Tiranë.
Ajo për të cilën shqiptarët janë më të interesuar, si një shoqëri me mentalitet lindor se: cilin takoi, kujt i dha dorën, me kë dukej i qeshur ?, nuk pati asnjë mister, asnjë befasi.
Politika mbeti në statukuonë e mëparshme, mazhoranca e qetë, opozita e përçarë.
Ai mbajti një fjalë përshëndetëse me rastin e 100 vjetorit të marrëdhënieve diplomatike midis Shqipërisë dhe SHBA.
Takoi grupe deputetësh nga dy krahët politik dhe i gëzoi duke pozuar me ta.
U shfaq në krah të kryeministrit Edi Rama gjatë firmosjes së një memorandumi mirëkuptimi mes kompanisë shqiptare të gazit, AlbGaz dhe kompanisë bullgare “Overgas” për zhvillimin e projekteve energjitike në Tiranë.
I pranishëm në ceremoni ishte edhe Stephen Payne, president i kompanisë amerikane “Linden Energy”, e cila ka nënshkruar një marrëveshje për blerjen e 50% të aksioneve të kompanisë bullgare të gazit “Overgas”.
Sipas njoftimit për shtyp të shpërndarë gjatë ceremonisë, ish-sekretari i shtetit, Pompeo është kryetar i bordit të Këshillimit të “Linden Energy”.
Presidenti i Linden Energy, Stephen Payne dhe anëtari i bordit drejtues të Overgas, Matthew Bryza.
