Trump: “Hebrenjtë që votojnë Mamdani janë budallenj.” Në Virginia dhe New Jersey fitojnë guvernatorët demokratë.
Mamdani, 34 vjeç, mposhti ish-guvernatorin Andrew Cuomo dhe republikanin Curtis Sliwa. Me këtë fitore, demokrat i majtë do të shkruajë emrin e tij në histori si kryetari i parë mysliman i qytetit, i pari me origjinë nga Azia Jugore dhe i pari i lindur në Afrikë. Ai do të bëhet gjithashtu kryetari më i ri i qytetit në më shumë se një shekull kur të marrë detyrën më 1 janar.
Në fjalimin e tij pas fitores, Zohran Mamdani deklaroi se kjo fitore tregon rrugën për të “mundur” Donald Trump.
“Nëse ka dikush që mund t’i tregojë një kombi të tradhtuar nga Donald Trump se si ta mposhtë atë, ai është qyteti që e ka lindur,” tha ai. “Donald Trump, meqë e di që po më shikon, kam katër fjalë për ty: ngrije volumin.”
Në festën e fitores, në një atmosferë euforie të madhe, kryetari i sapozgjedhur Zohran Mamdani e paraqiti triumfin e tij jo vetëm si fitore personale, por si një “goditje historike” dhe një pohim të fortë të vullnetit popullor kundër establishmentit dhe lobive të mëdha financiare.
