Harris Murana/ Duhet rigjetur boshti ideologjik i përkatësisë…

Ideologjitë politike që ndezën zemra, rrëzuan mure dhe karakterizuan fillim vitet ’90, duket se kanë perënduar tashmë.
Të rinjtë nuk njohin më kundërshtitë konceptuale mes së majtës e së djathtës por janë në kërkim të një politike më pragmatiste.
Në këtë realitet nuk votohet më mbi baza përkatësie ideologjike, por mbi baza karizme dhe pëlqimi subjektiv të këtij apo atij udhëheqësi.
Skandalet e përfshirjes së udhëheqësisë politike të të gjitha ngjyrave në “mëkatin korrupsion” kanë zbehur, në mos shuar shpirtin e revoltës.
“Të njollosurit” ndiqen nga një grup gjithnjë e më i vogël idhtarësh të indoktrinuar, (të cilët fatkeqësisht e majta i ka më tepër, kam parasysh këtu shumicën e pensionistëve) dhe nga pragmatistët e paskrrupullt të lidhur pas “xhepash” të cilët nuk përtojnë të të turren nëse guxon tu prekësh udhëheqësin dhe interesat.
Miq nuk duhet të harrojmë se pavarësisht se zhgënjimi na ka larguar përdhunshëm nga boshti…:
Ideologjia mbetet një nga pikat më trasparente dhe pragmatiste që ekziston, sepse përfaqëson një lloj faltoreje të cilës besnikërisht dhe me vetëdije i përkasim.
Ju ftoj të rigjejmë dhe të përqafojmë boshtin e përkatësisë dhe jam i sigurt se sheshi do mbushet dhe ndryshimi do të vijë!