Aleksandër Vuçiç ka dhënë dorëheqjen nga posti i Presidentit të Serbisë, pas afro dhjetë vitesh në krye të shtetit.
Në fjalimin e tij nga Presidenca, Vuçiç tha se “ka ardhur ora e vendimit” dhe falënderoi qytetarët për besimin e dhënë në dy zgjedhjet presidenciale, në vitet 2017 dhe 2022.
Vuçiç deklaroi se Serbia po hyn në një “kapitull të ri”, ndërsa gjatë fjalimit bëri një bilanc të viteve të tij në pushtet, duke u ndalur te zhvillimi ekonomik, punësimi dhe ruajtja, sipas tij, e paqes dhe stabilitetit gjatë krizave të viteve të fundit.
Gjatë fjalës së tij ai ndali posaçërisht edhe te Kosova.
“Do të duhet të mbrojmë popullin tonë në Kosovë dhe të mos lejojmë ata që do të përpiqen t’i bindin të gjithë që të heqim dorë sa më shpejt nga Kosova, sepse kështu, sipas tyre, nuk do të shohim më nga e kaluara, por nga e ardhmja. Prandaj, të gjithë do të duhet t’i rezistojnë kësaj. Qytetarët le të mendojnë vetë”, tha Vuçiç.
