Rexhep Shahu/ Piskama e Vlladan Gjeorgjeviqit

Mbrëmë në ora 12 të natës së 7 gushtit 2026, kur Kosova mbeti pa institucione, pa shtet prej grykësie e lakmie e jo prej padije, Vlladan Gjorgjeviqi ish kryeministër i Serbisë që i ka paraqitë shqiptarët me bisht në librin e tij tre gjuhësh Shqiptarët e fuqitë e mëdha, gjermanisht, frëngjisht, serbisht ka qeshë me të madhe në varr. Ka thirrë prej vorri në kupë të qiellit për me e dëgjue fuqitë e mëdha: A ju pata thanë se shqiptarët nuk dinë e nuk munden të bëjnë shtet. A ju pata thanë na i lini ne serbëve edhe 100 vjet që t’i kulturojmë e pastaj t’u japim një autonomi kulturore…
Nuk po lexohet cilës axhendë i sherbehet nga cili.
Nuk po beson askush se sot jemi verikal e nesër mund të ikim horizontal nga kjo botë dhe nuk ka post e funksion të përjetshëm. Nuk po e beson askush që vran e kthjell se fati i Kosovës nuk është në dorë as në bythë të askujt. Kush mendon se e ka në dorë a bythë fatin e Kosovës le ta hedhë, le ta pordhe.
Kosova është e lirë falë gjakut e sakrificës së shqiptarëve për një shekull nën Serbi, falë elitës intelektuale kombëtariste të viteve ‘90 nën kryesimin e Rugovës, falë UÇK që zgjoi qëndresën dhe na tregoi e na kujtoi se edhe serbët i vret plumbi, falë Amerikës e Natos që e çliroi Kosovën dhe po e mbron e siguron edhe sot e gjithë ditën.
Është humor i zi kjo që po ndodh në Kosovë. Politikanët veç për poste e zgjedhje çdo tre muaj mendojnë dhe hedhin valle në prehën të Amerikës e Natos që e mbrojnë Kosovën.
Prandaj pisket Vlladan Gjorgjeviqi që shqiptarët nuk dinë e nuk munden të bëjnë shtet…