Basir Çollaku/ Shtatzënë me SPAK, drejtësi invitro..

Ka ditë nëpër Tiranë qarkullon një haber gjysëm zyrtar sikur një e pandehur qeverie është në proces fertilizimi invitro, për të mundësuar një shtatzani. Duket se mosha mbi gjysëm shekull nuk është lakmi mëmësie dhe atësie e çiftit pushtetar të përmendur me emër kudo në korridoret mediatiko-politike. Shkresa thonë u ka shkuar hetuesve të çështjeve të rënda, në akuza miliardadollarëshe.
Por..
Por..
Si gjithnjë preteksti vrapues për te shkaku është thjesht SPAKU
Pasi kanë qelizuar Kodin Penal, atë të Procedurës dhe kuadrin Kushtetues janë gjetur arsye të forta ligjore se një barrë në pritje fëmije kapitullon edhe Prokurorinë. Ajo për afro dy vite gjatë shtatzanisë e më pas lindjes, nuk është se mundet të dërgojë pacientin penal në qeli në këto rrethana. Nuk është se e ndriti më herët.
Kështu u përdor lirimi para kohe i Tahirit për pamundësi kujdesi për fëmijët e mitur nga bashkëshortja. Ndonëse rrethanat reale janë një kapitull fajësie për Strukturën e Posaçme. Duke u kthyer në një taksi lirie pa kasë fiskale nga Prokuroria Speciale. Modeli i dashurisë për të bërë fëmijë sapo merresh i pandehur shpërtheu. Aq sa çdo dosje futet më.patë në eko pastaj në seancë mass në gjykatë. Precedenti “me barrë” la dhe Kushtetutën gafil. Ajola Xoxa, bashkëshortja e Erion Veliajt e pandehur për shumë akuza, u gjend shtatzënë dhe ndryshoi masën e sigurimit personal me vendim gjykate dhe pa rezistencë prokurorie. Duket se BKH është zhvendosur te Materniteti apo Klinikat e Specializuara të dashurive të vonuara për fëmijë të vonuar. Në kohë e jo në shëndet. Mjekësia gjen raport për drejtësinë. Pra dashuria nuk njeh moshë thotë populli. Zonjat e qeverisë nën akuzë nuk janë pak. Natyrisht shtatëzania nuk ua heq akuzat e hajdutërisë. Të korrupsionit. Të grupit krininal. Janë disa të tjera duke shqyrtuar mundësitë. Duke çuar në dreq ndërhyrjet estetike për dukje rinore. Kompromentues në favore kohore e dhënie shansesh ekstra-sakrifice është thjesht SPAK. Me mëkate të hapura. Dashuria thotë populli shpesh vjen nga stomaku, liria diçka më poshtë. Po buxheti me bark bosh?! Ku t’i gjejë miliardat e avulluara?! Mbase Prokuroria duhet të propozojë ndryshime ligjore. Se kështu mund të shkepësh paratë publike sa të dojë qejfi dhe shpëton nga ndëshkimi ligjor me një të palluar, qoftë edhe me ndërmjetës shishen!!! Shtatzënë me SPAK e drejtësi invitro kemi sajuar. Halli është për burrat.!! Ky është grup pushteti, bandë, mafie, trafikantë, organizatë, e cila ka marrë tenderin: ti bëjmë nënën Shqipërisë..
SPAK duhet të dijë porosinë dashamirëse komike siç thoshte i madhi Fadil Hasa, se ndjen ti, po e ndjen populli..