Vendimi i Sekretarit amerikan të Shtetit, Marco Rubio për të hequr sanksionet ndaj liderit të opozitës, Sali Berisha vjen në një nga momentet më të nxehta të politikës shqiptare.
Nuk kemi të bëjmë me një vendim që merret thjesht dhe vetëm ndaj një personi. Edhe vendosja e “non grata-s” ndaj Berishës nuk ishte ndaj një personi.
Ai sanksionim i Berishës u bë nga lobimi i Soros për ti hapur rrugë pushtetit të pakufishëm të Ramës. Nuk ishte thjesht dhe vetëm ndaj Berishës, por ndaj opozitës.
Synimi ishte i qartë, Shqipëria nuk duhet të kishte opozitë përballë lindjes së regjimit kriminal të Ramës.
Skenari funksionoi për vite me rradhë deri ditën e sotme, kur administrata e Presidentit Trump korrigjoi një padrejtësi historike të bërë ndaj opozitës shqiptare nga titullari i një administrate amerikane që sot është “non grata” në vendin e tij.
Vendimi i sotëm i administratës së Presidentit Trump nuk është thjesht ndaj Berishës. Shtetet e Bashkuara kanë vendosur që në këtë vend të rikthejnë pluralizmin politik duke hequr sanksionet ndaj liderit të opozitës dhe duke rikthyer Sali Berishën.
Në deklaratën zyrtare, Departamenti i Shtetit shprehet, se heqja e sanksioneve ndaj Sali Berishës i “shërben interesit kombëtar bindës të Shteteve të Bashkuara” Më qartë se kaq nuk mund të ketë.
Sot Sali Berisha dhe opozita shqiptare janë shpallur zyrtarisht si “interes kombëtar i Shteteve të Bashkuara”.
