Basir Çollaku/ Gjenerali Ambasador, të bëjë SPAK-un, “Beretë të Gjelbër” !!

Eric Wendt gjenerali i nominuar për ambasador në Tiranë ishte dje në senat. Prioritetet dhe përgjigjet e pyetjeve kishin fokus të përbashkët. Katër pika thelbësore theksoi Wendt dje. Lufta ndaj korrupsionit, krimit të organizuar trafikut ndërkombltar të drogës lidhur me kartelet e Amerikës Latine, siguria kibernetike, mbështetje bizneseve amerikane dhe Prokurorisë së Posaçme, besimi te Ambasada. E mjaft të tjera bashkëpunime.
Gjenerali me një karrierë të pasur ushtarake ishte ndër të tjera pjesë dhe drejtues të Beretat e Gjelbra (Green Berets). Forcat Speciale të Ushtrisë së Shteteve të Bashkuara, njësitë më të trajnuara elitare në botë për operacione speciale, luftë jokonvencionale, kundër terrorizmit, mbrojtje, zbulim special.
Një profil i lartë elitar ushtarak si kryediplomat në Tiranë është vëmendje e shtuar e Uashingtonit. Prokurpria Speciale, duket se do të ketë një aleat të fortë në betejat e rënd ndaj krimit e korrupsionit në dosjet e shumta. Nëse e veshim me një metaforë të dobishme ajo çfarë duhet është
A do ta bëjë falë mbështetjes ambasadori i ri, SPAK-un, një “Beretë të Gjelbër” kundër krimit të organizuar, trafiqeve, korrupsionit?! Ambasadori do e njohë më mirë Prokurorinë në Tiranë.
Mundësitë janë maksimale. Braho dhe dy drejtuesit e linjave, Mara e Bejko, ishin 10 ditë në USA ku kanë folur e dëgjuar për hetime e veprime me peshë të konsiderueshme. Kësaj prokurorie pavarësia i është shtuar kur politika ka qëndruar larg. Sot është ndryshe. Ata janë në jo pak raste ngjitur. Ambasadorja e fundit Yuri Kim, nuk ishte një histori suksesi në rolin e saj, të anuar disi në qëndrim-reagime. Wendt dje në Senat, shfaqi qartësi dhe vendosmëri në prioritetet e theksuara, të cilat janë pikë për pikë edhe prioritete të shqiptarëve. Amerikanët e dinë mirë kush janë engjëjt dhe djajtë politikë, korruptivë e kriminalë në Tiranë. SPAK për t’u bërë Beretë e Gjelbër ndaj së keqes i duhet dhe disi vetëpastrim nga elementë të kontaminuar dhe aleati i duhur që po mbërrin…Shenjat janë të duhurat..