Basir Çollaku/ Zegjineja, Pesa dhe Piza

Zegjine Çaushi, ose siç njihet gjerësisht Zegjineja e Roskovecit, është një ndër befasitë e kësaj fushate. Jo për videot e saj virale që janë koncentrat neuronesh e intelektualiteti sipëror, dhe kulmojnë me thirrjet “O Gazo”, që babloku i rishpërndan bujarisht, por me bollëkun e diplomave të saj. Universitare dhe pasuniversitare.
Siç e ka deklaruar vetë në platformën “Deputeti që duam” , Zegjineja zotëron të paktën tri diploma:
1.Bachelor, nga fakulteti i drejtësisë së universitetit të Tiranës.
2.Master shkencor të po këtij fakulteti.
3.Diplomë të shkollës së avokaturës.
Ky arsenal solid shkollimi përligj plotësisht nivelin e lartë profesional, etik dhe po të doni të standartin europian , të videove dhe mesazheve të saj. Jo vetëm kaq. Është dëshmi e gjallë, faktike, materiale, provuese, (noterike, do të thoshte Ushtari i mirë Shvejk), pse arsimi ynë universitar renditet aq lart dhe shkëlqen në rankimin çdovjetor të Pisa-s.
Me nivelin optimal dhe performancën që manifeston, kjo kandidate e Pesës meriton të zgjidhet e të zërë vend në ulëset e parlamentit të ardhshëm. Në rast të një qeverie(të pamundur) të PS, Zegjineja meriton plotësisht të jetë minimalisht ministre e Drejtësisë.
Pse jo, me anëtarësimin e shpejtë të Shqipërisë në BE(aq i pamundur sa fitorja e PS), Zegjineja e meriton të emërohet Komisionere e Drejtësisë e Bashkimit Europian.
Në këtë pikë duhet tejkaluar e zgjidhur vetëm një problem: ajo edhe emrin edhe mbiemrin i ka turk. Në shqip gjeneralitetet e saj përkthehen: Pasanike Rreshteri.
Dhe ne rast se do të europianizonte gjeneralitetet e saj, Zegjineja e Roskovecit do të quhej :Ricarda Sergeant.
GAZ(Go Ahead Zegjine)!