“Qesharake ‘dashuria’ jote për gratë”- Dash Shehi ‘i përvishet’ Ramës: Djathtas për Zhvillim premton ditën 6 orëshe të punës për vajzat

Kryetari i LZHK-së, njëkohësisht drejtuesi i koalicionit ‘Djathtas për Zhvillim’, deputeti Dashamir Shehi, ka replikuar në distancë me kryeministrin Edi Rama, duke e cilësuar projektin e Partisë Socialiste për gratë si një tallava politike.
Komentet Shehi i bëri përmes një videoje të shpërndarë në rrjetet sociale, ku tha se koalicioni ‘Djathtas për Zhvillim’ planifikon në projektin e tij 6 orë punë për gratë dhe vajzat, me të njëjtën pagë si 8 orë.
“Nëna, vajza, gra të Shqipërisë, mos u merrni shumë me këtë dashurinë kryeministrore për femrat shqiptare. Sepse kjo është për të kaluar kohën dhe për të qeshur pak. Ne ‘Djathtas për Zhvillim’ planifikojmë 6 orë punë për gratë dhe vajzat dhe do të mbështesim çdo grup politik që e mbështet këtë ide. Kjo do të thotë më shumë liri për gratë dhe vajzat. Më shumë kohë për fëmijët tuaj dhe humbje ekonomike nuk ka”, tha Shehi gjatë fjalës së tij.
Postimi i Shehit:
Teksa oferta e Ramës për gratë është tallavaja, koalicioni ‘Djathtas për Zhvillim’ parashikon 6 orë punë për vajzat dhe gratë. Puna 6 orë do të krijojë mundësi kohore për çiftet e reja dhe nuk do të ulë rendimentin e punës, pasi sipas studimeve, vetëm 4.7 orë punë në ditë janë produktive.
✅️ Në 11 maj VOTO koalicionin ‘Djathtas për Zhvillim’
✅️ Në 11 maj VOTO numrin 9️⃣ dhe emrim Dashamir Shehi në fletën e votimit