Bislim Ahmetaj/ Nesër 40 vite pas ngordhjes së diktatorit, “pakica” nis marrshimin drejt fitores.

Katërdhjetë vite më parë me 11 Prill të vitit 1985, për një pakicë njerëzish në Shqipëri ka qënë një ditë gëzimi.
Për ata pak njerëz që mendonin ndryshe nga turma bolsheviko-enveriste, atë ditë lindi një fije shprese që kursi i qeverisjes së vendit do të ndryshonte.
Ajo pakicë njerëzish që gëzuan dhe ndezën qiriun e shpresës atë ditë të largët të 11 Prillit 1985, në shumicë gjendeshin nëpër burgjet dhe kampet e internimit, por kishte edhe prej atyre që jetonin në burgun e madh me emrin Republika Popullore Socialiste e Shqipërisë.
Sot pas 40 vitesh nga dita e vdekjes së diktatorit Enver Hoxha, opozita e vendit e udhëhequr nga Partia Demokratike çel fushatën elektorale për zgjedhjet e 11 Majit, duke ndezur shpresën dhe besimin që do ti jepet fund narko diktaturës. E cila ka 12 vite që ka vendosur sundimin e saj në çdo pushtet të vendit.
I fundit pushtet i siguruar, ai i kryetarit të Bashkisë së Kryeqytetit pas arrestimit të Veliajt i akuzuar për afera të tmerrëshme korruptive.
Nesër me 11 Prill 2025, katërdhjetë vite pas ngordhjes së diktatorit, “pakica”, nis marrshimin e saj drejt mposhtjes së një regjimi antishqiptar, të një regjimi autokratik, të një regjimi që bullizon dhe vrafëron popullin e vet njëlloj si ai i diktatorit Hoxha.
Nesër ndizen motorrat e shpresës dhe besimit tek ndryshimi që do të sjellë 11 Maji.
#bëhupjesëendryshimit