Basir Çollaku/ Çela ushtari Shegës të dy të Ramës, ministri negociator dhe zgjedhjet ?!

Suel Çela vazhdon fushatën ndonëse është në kërkim?! Në Elbasan, në Shkodër e ndoshta edhe në qytete të tjera ku ka “shoqni”. Bujar Shega biznesmeni arrestuar është ekstraduar nga Italia. Një ministër i qeverisë ka bërë përpjekje ekstreme për ta takuar edhe jashtë vendit. Por pa dobi. Tani ai është në qeli në dispozicion të Strukturës së Posaçme dhe dosjes së madhe për të dhe mjaft të tjerë. Telefoni i tij i koduar ka mjaft surpriza pushteti.
Marsel, alias Bujar Shega dhe Suel Çela , porositën në dhjetor të 2020 nga Ekuadori drejt Anversës në Belgjikë 930 kg kokainë. Por ngarkesa u bllokua në Portin e Gayakilit në Ekuador me pako me logon “ERKING”. Në këtë dërgesë Suel Çela kishte 50 kilogramë duke përcaktuar sipas shifrave në kilogramë se kush ishte shefi 50-ta apo 880-a shega ka pasur ortakëri edhe me një tjetër politikan tashmë të larguar nga Kuvendi. Por sipas dosjes biznesmeni i botës së trafikut të drogës ka marrë edhe miliona euro punë publike duke formalizuar paranë e kokainës. Krimi i politizuar kishte vënë rrjetin e tij në punë. Në transkriptet sky-enchro të Shegës e Çelës ka shumë emra pushteti. Rama dhe të tijtë janë të trazuar nga brendia e fashikujve. Ministri “ndërmjetës” nuk arriti të takohet me Shegën në burg në Itali me gjithë përpjekjet e shumta. Tani nën mbikëqyrjen e SPAK mundësitë janë zeruar por paniku është shtuar. Dosja e quajtur “Çela” por ka më tepër emra pushteti se ai, është njëherësh me të dhëna të shumta për krim elektoral. Grupi ka pastruar miliona euro. Tani përballja do rrisë temperaturën e personave të ftuar para hetimit. Po Kryeministri a ka dijeni dhe përmendje në këtë dosje?!? Duke parë e duke parë. Deri tani është vështirë të thuhet as po as jo…