Është Albert Malaj, kryetar i bashkisë Memaliaj që me një deklaratë publike ka informuar banorët e bashkisë që drejton për situatën energjitike në njësitë administrative të juridiksionit të tij.
Reagimi i plotë i Malaj:
Të dashur banorë të Bashkisë Memaliaj,
Prej disa ditësh, me shumë të drejtë, më telefononi për shqetësimin tuaj, pasi në shumë zona mungesa e energjisë elektrike zgjat prej 2, 3 apo edhe 4-5 ditësh.
Sistemi energjetik në territorin e Bashkisë Memaliaj ndodhet në një situatë alarmante, për shkak të degradimit të plotë të infrastrukturës dhe mungesës së investimeve në këtë sektor.
Pavarësisht përpjekjeve dhe sakrificës së punonjësve në terren, të cilët po bëjnë të pamundurën për të rikthyer energjinë, problemi kërkon një investim kapital të domosdoshëm.
Nga ana jonë, janë kontaktuar të gjithë drejtuesit përgjegjës rajonalë, deri te ministria përkatëse, për të kërkuar zgjidhje.
Nuk mund të justifikohet kjo situatë me ngarkesën e linjave, pasi popullsia në fshatra është përgjysmuar.
Kjo gjendje është e papranueshme dhe kërkon zgjidhje urgjente!
Foto të telave në pem të ardhura sot nga Fshati Selck e Vogël .
Kjo nuk është Shqipëria 2030!
