Kujdes kur je i dehur në makinë, kujdes nga shpejtësia shumë e lartë në rrugët e BE apo aksidentet me pasoja vdekjeprurëse se e humb patentën në të gjithë BE. Deri më tani, vetëm shteti i BE-së në të cilin ishte lëshuar leja e drejtimit mund ta revokonte plotësisht atë.
Në rast të shkeljeve të rënda të rregullave të trafikut rrugor, ndalimi i drejtimit të automjetit do të zbatohet së shpejti në të gjithë BE. Parlamenti Evropian dhe vendet anëtare të BE-së kanë rënë dakord paraprakisht që ndalimet e drejtimit të automjeteve të vendosura nga një shtet anëtar të zbatohen edhe në vendin ku është lëshuar leja e drejtimit. Vendi që ka lëshuar lejen e drejtimit duhet të zbatojë më pas ndalimin e drejtimit në të gjithë BE-në. Rregullorja e re do të vlejë në rast të drejtimit të automjetit i dehur, të shpejtësisë shumë të lartë apo aksidenteve ku ka pasur të vdekur. Kriteret “e qarta dhe në kohën e duhur” mbi pezullimin e lejeve të drejtimit mbrojnë jo vetëm “shoferët e përgjegjshëm, por edhe të gjithë popullsinë”, tha eurodeputeti Matteo Ricci. Kusht është që vendi që ka lëshuar lejen e drejtimit jep një ndalim të automjetit për tre muaj.
DW Shqip
