Përtej presionit të Trumpit , Europës i kanoset edhe një presion tjetër i papërballueshëm, ai i rizgjedhjes së Edi Rames në 11 maj !
Ndërsa presionit të parë edhe pse vështirësisht, me kohën mund t’i gjendet zgjidhja, presionit të dytë “bezdisjes nga Rama” vështirë se i gjejnë zgjidhje europianët!
A ju kujtohet sesi në 2022, i ulur në gjunjë dukej sikur i thoshte Kryeministrit të Luksemburgut :
“Zoti krijoi gjithçka në përsosmëri, por unë dyshoj se kur Zoti të krijoi ty, Ai donte të dukej. Do të isha i nderuar të dukesha edhe unë duke të bërë edhe ty timin”.
Çfarë shfaqje! Si mund të mos jesh i sjellshëm me një burrë te gjatë me hernie që ulet në gjunjë?
Po në 2023 a ju kujtohet përqafimi i Melonit ?! Ai përqafim i la pa frymë të gjithë në atë shesh.
Ndërsa populli për mos t’a harruar ‘e skaliti” atë ditë vargje…
“Ish e enjte ajo ditë
Melonit ç’i panë sytë
se ç’ju hodh “Trimi” në grykë
Korba grua u çudit.
Nuk e priste “e gjora” grua
S’pipëtiu u hutua !
Seç u skuq e u bë prush
“Trimi ynë” e zuri ngushtë !
Ursula plakë i afrohet
I thotë ca fjalë që të qetësohet:
“Je e re , por do të mësohesh ,
Mbaj distancën që të mbrohesh !
Trimit ( Ramës) kur s’ja var njeri
Bën skena të bjerë në sy”!
Megjithëse Meloni vendosi ” të mos mbrohet”. Përkundrazi për çdo “përqafim në fragrancë” kërkon një marrveshje në favor të saj si ajo e qendrave të emigrantëve në Gjadër!
Apo ndoshta e harruat kur i vendosi liderët Europianë para Pikturës “Përdhunimi i Europës” duke i poshtëruar në emër të mikpritjes?!
Si popull gazdashës ne dhe mund të argëtohemi të qeshim me këto shfaqje. Por nëse duam të futemi në Europë ka ardhur koha që të jemi seriozë edhe mbi të gjitha “të mëshirshëm” me liderat Europianë!
