Të nderuar demokratë të qarkut Vlorë
Garat e brendshme në Partinë Demokratike janë gjithmonë motiv për tu ndjekur e për të qenë pjesë e tyre, për ti dhënë PD sot e Shqipërisë nesër më të mirën.
Për këtë arsye kam vendosur të bëhem pjesë e garës së Primareve që zhvillohen të shtunën në 1 Mars, në qarkun e Vlorës nga ku jam lindur e rritur, e ku për më shumë se një dekadë kam ushtruar aktivitetin tim politik.
Shqipëria sot është në zgrip prej keqqeverisjes ndaj edhe ne, demokratët dhe njerëzit e ndershëm të këtij vendi duhet ti dalim zot.
Unë vij nga një familje të përndjekurish politik të regjimit komunist ndaj edhe qenia i djathtë, antikomunist e antikonformist është jo vetëm pregatitje por konvencion ideologjik ndër breza.
Politikën e kam parë gjithmonë si shërbim ndaj njerëzve e për të mirën e tyre, çka vetëm kështu mendoj se ju vlen atyre e vendit ndërsa betejat politike e mediatike kaherë i kam parë me vetëm një qëllim: Mbrojtjen e interesit të demokratëve dhe qytetarëve të ndershëm që ky pushtet uzurpator po ju merr nga pronat deri te fryma për 12 vjet.
Qarku i Vlorës, bregu i Himarës, Saranda, Delvina Konispoli e Finiqi kanë sot më nevojë se kurrë për të ndaluar hemoragjinë shpopulluese dhe për një model tjetër zhvillimi, e kundërta e grabitjes dhe zhvatjes aktuale.
Ndaj kërkoj besimin e çdo demokrati sot për të qenë zëri juaj edhe institucional nesër.
Me besim në Zot dhe me punë e dinjitet, bashkë do ja dalim ✌️
