Basir Çollaku/ USAID-okracia

Me sy nga qielli, Zoti lart dhe nga Amerika, Zoti në tokë. Shqiptarët kanë një shekull që e harxhojnë vështrimin dhe shpresën në këtë mënyrë. Natyrisht ka vendime jo rrollë herë të dy Zotave, që e kanë shpëtuar këtë komb duke e mbajtur gjallë. Dashuria amerikane jeton vetëm në trupin e Interesit amerikan. Të tjerat janë iluzione.
Në 12 vite të qeverisjes së Ramës ne kemi parë çudira dashurie amerikane me KM e qeverinë e tij të inkriminuar në palcë. Sërish shumica e njerëzisë kompleksohej nga emri i madh i Perandorisë dhe heshte përballë ndodhive të pazakonta dhe aspak të drejta. Ambasadorët amerikanë u bënë më ekstrem se deputetët e PS. Hynin nëpër prokurori e gjykata të çdo lloji si në supermarket. Linin porosi nëse nuk ishin kryer sipas dëshirës së Ramës.
Kur Shqipëria u gjelbërua nga hashashi asnjë ambasador e diplomat amerikan nuk tha gjysëm fjale. Madje ministri Tahiri më pas nën akuzë për trafik ndërkombëtar droge, në kulmin e prodhimit ishte vizitor në zyrën ovale të Presidentit Obama. Nën bekim shoqërinë e ambasadorit Lu Organizata USAID nën hyqmin e DASH nisi të bëhej USAID-Soros-PS. Përqafimet e shpeshta të Ramës e Veliajt me Soros bënë Agjencinë një instrument politik e financiar me agjendë të thelluar të majtë. E nisën me Reformën në Drejtësi. E kapën në qelizë dhe ia dorëzuan KM e qeverisë në dorë si kamzhik. Ambasadori Lu shpërndante mesazhe kanosëse për deputetët e pavendosur për votë. Disa thirreshin në Ambasadë e u viheshin dosje në tavolinë. Rezultati. 140 deputetë qingjërisht votuan pro. Tani e djathta megjithë delfinët majtistë brenda saj ishte në shenjestër goditjesh. Shkurt. Ta bëjmë shoqatë. U gjet Charles McGonigal i FBI. Një dorë para. Një hetim për PD dhe Lulzim Bashën. Një non grata për Berishën. Një Yuri Kim që ndau mendjen të shesë bar për të ngrënë në oborrin e PD. Gjykatat e prokuroritë edhe ato speciale rrinin fundshpinë këputur me kokë nga Rama-Kim, që në fakt u bënë një. Projektet vërshonin te e quajtura shoqëri civile. Social-komunistë të thekur. Dhjetëra të tilla. Një mal para me një mal propogandë. Fajin e kishte gjithmonë Saliu. Sollën ca butakë ndërkombëtarë e bënë vetingun siç e deshi Rama. Ca demek djathtistë u majmën diku dhe braktisën përfaqësimin. USAID-Soros vijoni derdhnin miliona dollarë. Yuri Kim shkrihej gazit sa në krah të Ramës e Veliajt dy ikona krimi e korrupsioni. Kur nuk mjaftonte ajo vinin dërgesa të reja si Li, Eskobar, Palmer, Arvizu, e të tjerë. Gjykata mbante vulën e PD. Demokratët ata ende me.zë, kërcënoheshin nga disa deputetë ambasadash të.cilët kishin votat e tyre. Kujdes e di Amerika. Kapën një nga sevdalleshat e Ramës i dhanë një 10 milionë euro usaidisht. I dhanë edhe dosjet e Gjykatës së lartë. Genocid juridik. Pushtuan Gjykatën e Lartë e atë Kushtetuese. Pa mbaruar zgjedhjet në 2021 Yuri brohoriti fitoi Rama. Duket se Sorosi e kishte vënë gjithçka nën këmbë. Bëri dhe një dorë ndikim agregatësh energjie ku në barkun e ngjarjeve del dhe kontrabandë nafte me organizata të sanksionuara. Një histori e madhe hetimi me iranianë e turq. Trump përmbysi dynjanë me fitoren. Radha i erdhi USAID. 10 mijë punonjës 46 miliard euro në vit. Miliona dollarë leksione si të martohen burrat dhe si të vësh prezervativin. Drejtori Fondacionit Shoqëri e Hapur në Tiranë paguhej nga Usaid-Soros më shumë se presidenti amerikan me para amerikane. Dhjetëra OJF radikale të majta që endeshin nëpër brekët e Ramës e Veliajt merrnin qindra milionë euro. Kur vendi u bë moçal mbetjesh ata zukatnin mrekullinë amerikane. Edhe nëse ishte një m..amerikan ata nuk ia ndienin erën. Sepse parfumosej nga milionat e USAID-Soros. Perdja ra. Tani edhe Blinken nuk hyn dot në zyrat federale. Hetimi do të nxjerrë masakra të tjera. Por prapë nuk mjafton. USAIDokracia duhet shkërmoqur nga shqiptarët.