Është vetë Doci që bën të ditur lajmin nëpërmjet rrjeteve sociale, si më poshtë:
Të dashur miq, anëtarë dhe simpatizante të Partisë Demokratike Tirane!
Pas një periudhe të angazhuar dhe frytdhënëse si Kryetar i Forumit Rinor të PD Paskuqan, kam marrë vendimin e rëndësishëm për të dhënë dorëheqjen nga ky post, në mënyrë që të mund të kandidoj në primaret e Partisë Demokratike për deputet.
Ky vendim vjen si një hap natyral në angazhimin tim politik, i cili ka filluar si një përpjekje për të sjellë ndryshime të prekshme në jetën e rinisë dhe qytetarëve të Paskuqanit e gjithe Tiranes dhe tani, pas shumë mundimesh dhe përpjekjesh, dua të vazhdoj këtë rrugëtim me një angazhim edhe më të madh dhe më të gjerë.
Në këtë rrugëtim, shpresoj të vazhdojmë të bashkëpunojmë dhe të mbështesim njëri-tjetrin, sepse vetëm bashkë mund të realizojmë ndryshimet që vendi ynë ka nevojë. Unë i besoj të rinjve, i besoj fuqisë së ideve të reja dhe i besoj se një Shqipëri më e mirë është e mundur.
Faleminderit për besimin dhe mbështetjen tuaj të vazhdueshme. Angazhimi im për të kontribuar për një Shqipëri më të mirë do të vazhdojë pa u ndalur.
#PërShqipërinë #PërTëRinjtë #ElsidDoci #PrimaretPD #ShqipëriaEArdhmja
