“Anatema” e gazetarit Basir Çollaku/ Protesto ose vdis!!!

Protesta si zgjedhje për çlirim të Shqipërisë. “Kur një e vërtetë shqetëson pushtetin, është e vërteta ajo që burgoset”, -shkruan Emil Zola. Kështu ndodh prej vitesh në Shqipëri, që nga nga moti kur pushtetin e mori dhe e mban me mjete dhune e mafioze Edvin Rama. Ndaj, liria është në rrezik asgjësimi. Ndaj, protesta duhet të jetë përditshmëri. Deri në çlirim. Deri në heqjen nga kurrizi të një tiranie të pahasur e të pangjashme me vendet ku ende ka demokraci. Një diktaturë e re po betonohet. Kështu erdhi së apri në vitin 1945, gjoja me ligje dhe bëri genocide mbi popullin e vet.
Opozita ka rritur reagimin duke sjellë 8 shkurtin në protestë mbarëkombëtare. Ka një pafundësi arsyesh, përse qytetarët duhet të dalin në këtë revoltë. Eshtë ekonomia, drejtësia e privatizuar, papunësia, falimentet e bizneseve, shërbimet e munguara në arsim e shëndetësi, korrupsioni dërrmues, krimi i organizuar, privatizimi i shtetit dhe pushtetit. Ne jemi bërë parlament e bashki çyrbesh, bajrësh, çelësh, agasësh e taulantësh. Jemi me këshilltarë zyrtarë e në kontrata me njerëz të karteleve ndërkombëtare të drogës, Sinaloa dhe Ndrangheta e kudo sundon kokaina. Ndonëse zgjedhjet janë me 11 maj, duhen parë si një protestë e madhe kundër qeverisjes. Kundër shkombëtarizimit. Kundër asgjësimit të vendit.
Përse protestë?
-Protesto, që të jesh i lirë të flasësh e të thuash mendimin tënd, ndonëse mbreti është lakuriq.
-Protesto, që të votosh e zgjedhësh përfaqësuesin tënd i lirë, e jo nën grykën e kanosjes.
-Protesto, që të mos bëhesh një geto ambasadorësh.
-Protesto, që të kesh rend dhe siguri publike për vete dhe familjen tënde.
-Protesto, që mos të të grabitet prona, e tu jepet mafiozëve vendas dhe të huaj.
-Protesto, që taksat të të kthehen në investime dhe shërbime.
-Protesto, që mos të marrësh frymë ajër vrasës nga ndotjet e kaosit të qytetit tend.
-Protesto, të mos bëhesh vend ku derdhen mbeturina toksike kancerogjene e plehra vrasëse të vendeve të tjer.
-Protesto, që gjelbërimin dhe bregdetin të mos i shohësh vetëm në internet, pasi janë zaptuar e shkatërruar nga krimi e zuzarët e zyrave publike.
-Protesto, që bandat të mos jenë investitorë strategjikë në ortakëri me pushtetarët.
-Protesto, që mos të të ndërrojnë Zotin më klone e sajesa ojf-sh.
-Protesto, që të kesh mundësi të shkollohesh me cilësi e të konkurosh në profesionin tend.
-Protesto, që te kesh mundësi të punosh në ushtrim të aftësive të tua e jo të marrësh lëmosha partie.
-Protesto, që në spital të marrësh shërbim dhe jo sëmundje shtesë.
-Protesto, që ilaçet mos jenë prodhime tregtare të skaduara, të ardhura si mbetje nga vende të botës së tretë.
-Protesto, që polica të ndëshkojë krimin, e jo krimi të punësojë e kontrollojë policinë.
-Protesto, që prokurorë e gjyqtarë të mos jenë nën sqetullat e partisë në pushtet, në borderotë e krimit të organizuar.
-Protesto, edhe padrejtësisht për të kthyer drejtësinë me çdo kusht.
-Protesto, që Shqipëria të mos mbetet plaçkë fizike dhe ideologjike e Sorosit.
-Protesto, që ekonominë mos ta kenë në duar 5 vasalë të kryeministrit.
-Protesto, që rinia të mos jetë mall eksodi e Shqipëria e gjitha një azil pleqsh.
-Protesto, që burrat të krijojnë familje e të martohen me gratë, e jo të ylberosen me porosi.
-Protesto, që parlamenti të mos bëhet një stallë derrash e kungujsh që shesin shtetin për të mbajtur pushtetin.
-Protesto, që nesër të mos jenë të gjith shqiptarët jashtë atdheut e të huajt e ardhur të gdhenden si shqiptarë të rinj, që refugjatët të mos bëjnë Shqipërinë një OKB racore, 28748 kilometër².
-Protesto, që të mos kthehesh në të kaluarën, të mos lejosh që fëmijët tanë të jetojnë diktaturën që jetuan prindërit tanë.
-Protesto, ose vdis! Të gjithë duhet ta dimë. Liria nis me vrasjen e frikës. Siç na kujton Balzaku se, “çdo pushtet që vendoset mbi mjerimin e popujve, është jetëshkurtër!”