Programi për Shëndetësinë/ Berisha: GDP e shëndetësisë do bëhet 3% që vitin e parë! Do krijojmë sigurimet private për të nxitur garën

Kreu i PD, Sali Berisha, gjatë fjalës së tij në prezantimin e programit të qeverisjes për shëndetësinë 2025-2029, u shpreh se PD do të angazhohet që 100 ditët e para, të arrijë në një reformim transformues të sistemit shëndetësor, pasi korrupsioni dhe keqfinancimi i rilindjes e ka shkatërruar atë.
Berisha tha se, është e domosdoshme një riorganizim i plotë i atij institucioni. Nuk ka pse të ketë ajo sektorë të tjerë, por të bëjë gjithçka me njerëz të zotë për rikthimin e këtij sistemi në standardet tashmë të OBSH-së, të BE, të rajonit.
“Nuk është kohë të ndalemi tani, koha është çfarë do bëjmë.
Ne do angazhohemi që në 100 ditët e para, në një reformim transformues të sistemit shëndetësor.
Ne kemi besim tek kapacitetet tona njerëzore.
Por, dy faktorë e shkatërruan sistemin. Korrupsioni dhe keqfinancimi, keqmenaxhimi.
Korrupsioni nga njëra anë, vidh si Tenargija në fushëbetejën e Vaterlosë.
Dhe keqfinancimi, dhe ato që financon, mbi 300 milionë i morën me PPP-të e famshme të Edi Ramës.
Ilir Beqaj u shpall kryetar i organizatës kriminale. Nuk është Ilir Beqaj kryetar, kryetar është Edi Rama.
Ne jemi mjekë dhe nuk mund të harrojmë kurrë xhiron e tij nga ekrani në ekran me një gërshërë me një krah dhe me një pincë të thyer, ja me se operoheshin njerëzit.
Për të mbuluar PPP-të e tij, me të cilat rriste çmimin 83 herë për sterilizimin. Me të cilat ndante dhjetëra milionë me Vilma Nushin me check-upin, që përjashton pensionistët. Po në qoftë se do të vendosësh një sistem kontrolli me standarde, vendosua pensionistëve atë. Ata përjashtohen sepse do futen emra që nuk janë dhe do vidhen gjysma e fondeve.
Pra e shkatërroi korrupsioni. E shkatërruan PPP-të. U lëshuan si lukuni mbi fondet e përcaktuara për të sëmurët.
Dy vampirë, Vilma Nushi dhe Tom Doshi fitojnë mijëra tendera.
Shkatërruan standardin e ilaçeve. Është e vërtetë që këtu qarkullojnë absolutisht ilaçe jashtë standardit. Dhe çfarë ndodh? Kush ka njerëz jashtë, ose ia dërgojnë ata, ose dërgon paratë për t’i blerë atje.
Aspekte dramatike.
Sot, po u sëmure më apendesit në Gjirokastër, duhet të vish të operohesh në Tiranë.
Këto janë realitete. Nuk ka më pediatër, gjinekolog. Nuk ka as kirurg tani. Imagjino Gjirokastra të sjellë apandesitin në Tiranë.
Unë mendoj se sistemi i shëndetësisë ka nevojë për një ndërhyrje urgjente.
Dhe ky program do hartohet nga ju. Do jeni ju që do të hartoni programin, të cilin ne e kemi projekt, por pas diskutimeve, ai do shndërrohet në program të qeverisë.
Ministria e Shëndetësisë duhet të riorganizohet tërësisht.
Është e domosdoshme një riorganizim i plotë i atij institucioni. Nuk ka pse të ketë ajo sektorë të tjerë, por të bëjë gjithçka me njerëz të zotë për rikthimin e këtij sistemi në standardet tashmë të OBSH-së, të BE, të rajonit.
Sot, 2.1 përqind e GDP-së shkon për shëndetësinë. Do rritet që vitin e parë në 3 përqind, me synimin e prerë që brenda mandatit të dalë mbi mesataren e rajonit si financim.
Ka një institut të sigurimeve shëndetësore. Do i jepet pavarësi nga parlamenti. Do funksionojë si institucion i pavarur.
Por, ligji që 3 muajt e parë do parashikojë krijimin e sigurimeve private, për qëllimin e vetëm për të nxitur garën. Nuk rrihet me monopol. Se ky monopol krijon shumë probleme dhe e nxjerr jashtë kontrolli”, u shpreh Berisha.