Çdo burrë që kapërxen të 50-at duhet të bëjë disa planifikime për vitet më tej, jo vetëm me paratë por edhe me shëndetin.
Unë do t’ju tregoj disa gjëra që ju ndihmojnë për tu ndjerë më të rinj, për të qëndruar të shëndetshëm dhe për të shtuar vite në jetën tuaj.
Me sjelljet tuaja ju mund të zvogëloni rrezikun për sëmundje serioze, kështu ju mund të keni më shumë energji fizike, mendore dhe seksuale.
Në fakt, ju nuk duhet të stërviteni fort apo të mbani dieta të jashtëzakonshme për të t’ja arritur.
Nëse doni të zvogëloni rrezikun e një goditje në zemër, në tru ose të rrisni rezistencën dhe fuqinë tuaj, unë do t’ju tregoj hapat dhe strategjitë e thjeshta që mund t’ju ndihmojnë të bëni një ndryshim të qëndrueshëm në jetën tuaj .
👉Mënjanoni mishin e kuq, mishin e procesuar, yndyrnat shtazore e ato trans, ëmbëlsirat, brumërat, pijet industriale etj. kështu ju ulni shanset tuaja për kancer të zorrës së trashë deri në 30 deri 50%.
👉Nëqoftëse ju filloni ushtrime fizike mbi 30 minuta çdo ditë, ju mund të ulni rrezikun për sklerozë, demencë, alzhaimer deri në 50% .
👉Ju gjithashtu do të zvogëloni rrezikun e sëmundjeve të zemrës, do të tensionin e gjakut, sheqerin në gjak pa ilaçe.
✍️7 #zakonet e #jetës që duhen ndryshuar:
1) Ndaloni pirjen e duhanit.
2) Ushqehuni më mirë.
3) Bëni jetë aktive.
4) Humbni peshë.
5) Menaxhoni tensionin e gjakut.
6) Kontrolloni kolesterolin tuaj
7) Ulni sheqerin në gjak .
Fillojeni me një ndryshim të vogël .
Bëni një ndryshim të vogël në dietën tuaj. Disa sugjerime:
➡️Ndërrojeni mishin me fasule, thjerra, bizele, bathë etj.
➡️Hani një fetë bukë me drithëra në vend të bukës së bardhë.
➡️Provoni një perime që nuk e keni pasur kurrë më parë. Unë ju këshilloj lakrat e të gjitha llojeve të gatuara në mënyra të ndryshme.
➡️Bëni një ushtrime që rritin numrin të rrahjeve të zemrës për mbi 30 minuta.
👋 #Mësoni “numrat” tuaj.
➡️Përdorni peshën dhe lartësinë tuaj për të llogaritur indeksin e masës trupore.
➡️Matni tensionin e gjakut (nëpër farmaci kanë, por mund t’a blini një aparat për në shtëpi).
➡️Kontrolloni të analizat tuaja mjekësore të cilat duhet të përfshijnë kolesterolin dhe sheqerin esëll në gjak.
🔴 Disa standarte:
– Indeksi i masës trupore ndërmjet 18.5 dhe 25 (shih këtë llogaritës BMI)
– Presioni i gjakut nën 120/80 mm / Hg
– Kolesteroli total prej më pak se 200 mg / dL
– Sheqeri në gjak esëll (glukoza) nën 110 mg / dl .
Kujdesuni për veten!
Dr. Ilir ALLKJA
