Milaim Nela/ PUSHTETI SI SPROVË E JO SI PRIVILEGJ!

Çdo abuzues pushteti dhe parasë publike herët a vonë do paguajë. Në mos vetë do të ja paguajnë fëmijët apo ajo që ju dhemb më shumë.
Shteti dhe paraja publike është si Kisha apo Xhamija, është i/ e shenjtë dhe duhet të shihet i/e tillë nga çdokush që merr një rol apo post publik!
Djersa dhe mundi i taksapaguesve herët e vonë do të ja thyej kryet çdo abuzuesi dhe shpërdoruesi të saj.
Unë të paktën kështu e shoh.
Do të doja që këtë mentalitet dhe kulturë pune pra të ruajtjes së shenjtërisë së shtetit ta kishte çdokush që merr apo do të marrë një post publik.
Mos u mashtroni nga fuqia që ju jep posti apo pushteti!
Nëse do të vazhdohet me abuzimin e postit shtetëror siç është bërë në të kaluarën e sidomos gjatë 12 viteve të fundit ne po shkatërrojmë shenjtërinë e tij e po dëshmojmë se ne nuk e meritojmë as shtetin e rrjedhimisht as atdheun. E mbase kjo është sprova që po na bën Zoti nëse ne e meritojmë shtetin dhe atdheun tonë.
Shtetet më të përparuara të botës nuk janë zhvilluar duke u abuzuar nga shtetarët e tyre por duke kultivuar dhe një vetëdije ruajtjeje dashurie dhe përkujdesjeje ndaj shtetit dhe atdheut.
Ne kemi sa të duash modele të shtetarëve që e kanë konsideruar shtetin të shenjtë e asnjëherë nuk kanë abuzuar por nuk i edukojmë as fëmijët as të rinjtë me shembullin e tyre.
Një që më vjen mua ndërmend psh është Dhimitër Pasko (Mitrush Kuteli) por askund në tekstet shkollore nuk besoj të shkruhet apo të flitet për të.
Por ka sa të duash shembuj të tjerë.
Pa mendoni njëherë si po i edukojmë fëmijët tanë dhe gjeneratat e reja!?
Çfarë shembulli po ju japim?
Pushteti po ashtu është sprovë e karakterit dhe fatit të atyre që ju jepet dhe jo privilegj.
Është përgjegjësi.
Mos u tundoni.