Basir Çollaku/ Arrestohet Veliaj !

PS dhe SPAK shpesh veprojnë me kokë nga njëri-tjetri. Ngjan si mollë e ndaluar për disa nga prokurorët, të përmendin nëpër shkresa zyrtare, emrat e Edi Ramës dhe Erion Veliajt, aq sa në disa episode të rëndësishme, i kompromenton, sikur të jenë zyrë shtypi e Partisë Sopcialiste.
Kallzuesi nuk është anonim, përsa kohë Struktura e Posaçme i thotë N.A, ndërsa Veliaj, në mbledhjen e djeshme të këshillit bashkiak, deklaroi se është denoncuar nga Nesti Angoni dhe pretendoi se ishte një kurth. Por, në njoftimin e SPAK, nuk përmendet emri i kryebashkiakut, ndonëse paditësi i konfirmuar nga i padituri, ka mundur të bindë prokurorët me fakte konkrete, për akuza për korrupsion, pastrim parash, refuzim, mosdeklarim pasurie, fshehje, deklarim të rremë të interesave privatë.
Shohim dy raste të lidhura edhe me çështjen ku nuk mungon emri i Veliajt, por me akuza edhe më të lehta dhe jo me prova tërësisht konkrete në momentin e ndodhjes, veprimet kanë qenë ndryshe
-Më 14 Dhjetor 2021.
Me kërkesë të prokurorisë e vendim të Gjykatës së Posaçme është arrestuar ish-ministri Lefter Koka dhe dy persona të tjerë, me akuza kryerje e 4 veprave penale: “Shpërdorimi i detyrës”, “Korrupsioni aktiv i funksionarëve të lartë shtetërorë ose i të zgjedhurve vendorë”, “Korrupsioni pasiv i funksionarëve të lartë shtetërorë ose i të zgjedhurve vendorë” dhe “Pastrimi i produkteve të veprës penale apo i veprimtarisë kriminale”. Sot koka është dënuar dhe ende ka episode hetimi.
-Mars 2022.
Arrestohet po me vendim të Gjykatës së Posaçme ish-deputeti socialist, Alqi Bllako për çështjen e inceneratorëve, u akuza për “shpërdorim detyre” dhe “korrupsion” dhe u dënua vitin e kaluar me 4 vjet burgim. Për shkak të gjykimit të shkurtuar, ky dënim u konvertua në 2 vjet e 8 muaj.
Pavarësisht përfshirjes në dosjen e bashkëshortes e të vëllait, ku përfitimet nga punë të lidhura me bashkinë, derdhin financa në llogaritë “Veliaj”, tashmë ngarkesa penale është rënduar. SPAK në njoftimin e sotëm, pavarësisht kujdesit të tepruar për të mos shënuar emra, dekonspirimin e të cilëve e bëri i akuzuari Erion Veliaj publikisht, ngjan se ka lajmëruar arrestimin e shpejtë të Erion Veliajt. Përveç anonimit të pretenduar Nesti, kallëzimet e Belind Këlliçit, Aleancës për Teatrin e të tjera nga aktorë e faktorë opozitarë dhe ndërkombëtarë, kanë shumë fakte e prova joanonime, me të cilat “kolegët” do të përballin Veliajn. Aq sa edhe Rama po mendon për vete e jo për vartësin politik, tashmë të djegur në inceneratorin e paligjshmërisë së tij. Më 8 shkurt 2025 mbushet një vit, nga koha e regjistrimit të procedimit penal, kohë në të cilën, prokuroria, duhet ta ketë të pandehur, në qeli ose ta pushojë çështjen.