Basir Çollaku/ Gjykata “STERILIZON” SPAK-un, grupe të strukturuara kriminale në Bashki e Qeveri

Gjykata “sterilizon” Prokurorinë për dosjen e “Sterilizimit”. Duket se Gjykata e Posaçme ka dalë nga parashikimet e “afërmendsh” e ka lexuar ndryshe dosjen e Strukturës së Posaçme largmendësh, duke dalë nga parashikimet e Strukturës së Posaçme, me një kërkesë për rikualifikim të akuzës, lidhur me veprën penale të pretenduar se është konsumuar nga ish-ministri Ilir Beqja. Grup i strukturuar kriminal, është dakordësia e prokurorëve, pas vendimit të gjykatës për të konsideruar ndryshe nga sa ata kishin bërë deri më tani. Ish-ministri Ilir Beqaj, biznesmeni Ilir Rrapaj dhe ish-zevendësministri Klodian Rrjepaj, janë zyrtarisht nën akuzën e grupit të strukturuar kriminal. Përpjekjen e gjatë të Ramës për ta amnistuar mikun e tij 2 metrosh, nuk e kanë ndihmuar provat e faktet e gjetura nga hetimi. Kjo është hera e dytë, ku Gjykata zbraps akuzën, lidhur me limonatën e shërbyer në dosje. Kontrata 100 milionë euro për 10 vjet, ka rënduar situatën juridike të ministrit, zëvëndësit e biznesmenit, ku deri më tani janë nëntë të akuzuar. Janë dy çështje në Bashkinë e Tiranës, inceneratorët dhe 5D-ja, pa ardhur te Eco Tirana dhe Ndrangheta, ku gjykatat kanë vendosur për grupe të strukturuara kriminale. Gjenden të pandehur drejtorët e Erion Veliajt, e në njërën, kërkesa është për përfshirjen e kryebashkiakut në hetim në këtë adresë. Gjithashtu, hetimi për familjen Veliaj. Procedimi ku hetohet kryetari i bashkisë Erion Veliaj, bashkëshortja Ajola Xoca, vëllai i tij Arbër Veliaj dhe nëna e bashkëshortes, është një tjetër dosje, në akuzën e deritanishme të korrupsionit për pushtetarin lokal, por hetimi mund të shkojë drejt grupit të strukturuar kriminal. Antimafia italiane një javë më parë dënoi me vendim të formës së prerë një grup të Ndranghetës, ku kishte dhe pjesë shqiptare, si Henrik Baçi me 7 vjet burg, me disa kompani në Tiranë, me lidhje të afërta me kryetarin e bashkisë dhe kryeministrin, dosje të cilën SPAK, ka katër vjet që e ka lënë diku në harresë, ndonëse kishte ardhur gjysmë e gatshme nga Italia. Çështja hetimore e ndihmës fnanciare të projekteve IPARD, e hetuar nga OLAF, sigurisht ka një grup të strukturuar kriminal, ku ish-ministren Krifca ende e mban partia. Inceneratorët, një çështje shumëfish i sterilizimit, në financa dhe të akuzuar, ende Prokuroria nuk ka guxuar të ngrejë akuzën e grupit të strukturuar kriminal. Natyrisht aty përfshihet kryeministri e sekretari i përgjithshëm Agaçi, të lënë mënjanë nga SPAK deri më tani. Denoncimet e shumta për minsitren, Belinda Balluku, janë një tjetër kapitull, ku miliarda euro tendera e koncensione, do të sjellin përballjen e numrit dy të qeverisë me Strukturën e Posaçme. Inventari aktual i dosjeve të përftuara nga Sky-encrochat, rrit ndjeshëm numrin e të pandehurve në grupe të strukturuara kriminale, në qeveri, parlament, prokurori, gjykata, polici e biznese. Kryeministri Rama ka qeverisur në këtë mënyrë disa grupe kriminale, tashmë zyrtarizuar nga Gjykata me vendime, ndaj duhet përcaktuar roli i tij, rast pas rasti. Sigurisht ka edhe dosje ku janë duke u hetuar familjarët, si vëlla Olsi te “Xibraka e Kokainës”, apo AKSHI e EcoParku. Shtabet elektorale të mazhorancës, në tre zgjedhjet e fundit, sipas dosjeve të partnerëve, janë bashkë me grupet kriminale të disa qarqeve. Në Durrës, Rama sipas dosjes “Çyrbja”, është një nga emrat e listës së deputetëve, renditja e të cilëve ishte bërë sipas kërkesave të bandave të qytetit. Sigurisht, grupe të tilla janë edhe në biznes, në investimet strategjike, ku Rama ka nënshkruar për statusin e tyre. Kemi kreun e mazhorancës Edi Rama, i paditur lidhur me çështjen e korruptimit të njeriut të FBI, Charles McGonigal, dënuar edhe për bashkëpunimin me rusët e kinezët. Ndërsa situata ligjore e juridike është genocid. Kryeminsitri tani ka punuar për shkak të detyrës, me “grupe kriminale në bashkinë e Tiranës, në disa ministri, në shumë nga qarqet në shtabe elektorale e në jo pak punë është firmëtar”, po shkojmë në zgjedhje zyrtarisht përballë një Organizate Krinminale, së cilës i janë hapur hetime, vetëm për disa nga grupet, pjesë e saj.