Mbasi SHBA ka hequr shpërblimin për kokën e terroristit, Ahmed al-Shaara, me një status në rrjetet sociale ka reaguar Jamarbër Malltezi.
Ai shkruan se është po Sorosi që detyrohet të tërhiqet…
Çfarë ka ndodhur?
Barbara Leaf, zyrtare e lartë amerikane për Lindjen e Mesme, tha të premten se e ka informuar liderin e ri të Sirisë, Ahmed al-Shaara se Uashingtoni e ka flakur tutje shpërblimin për arrestimin e tij, dhe i ka mirëpritur “mesazhet pozitive” në diskutime, përfshirë premtimin për luftën ndaj terrorizmit.
Leaf tha se ka biseduar me Shaaran për “nevojën kritike që grupet terroriste të mos përbëjnë kërcënim brenda Sirisë, apo jashtë shtetit, përfshirë Shtetet e Bashkuara dhe partnerët në rajon”.
“Ahmed al-Sharaa është i përkushtuar në këtë pikë”, tha Leaf para gazetarëve, pas takimit në Damask.
“Bazuar në diskutimet tona, i kam thënë se nuk do të kërkojmë shpërblim për arrestimin e tij”, ka thënë zyrtarja amerikane.
Byroja Federale e Hetimeve (FBI) në Shtetet e Bashkuara ka ofruar që prej vitit 2017 një shpërblim prej 10 milionë dollarësh për ata që kanë informacione që çojnë në arrestimin e Sharaas, të njohur më parë si Abu Mohammed al-Jolani.
Pas këtij lajmi, reagoi në median sociale edhe Jamarbër Malltezi.
“SHBA heq shpërblimin 10 milionë USD për kokën e terroristit. Dhe e heq po administrata e Soros,” shkruan ai.
