Itinerari i Spakistit kryebashkiak është Zdrale-Kolektor-Tregu i Rusit….duke pasë qeverinë në krah dhe bashkinë, Spakisti, në 1 vit e gjysëm në krye të bashkisë ka arritur të bëjë vetëm kaq, asgjë më shumë.
Deklaron hapje e mbyllje tenderash për Shirokë-Zogaj, Harku i Bërdicës-Bahçallëk, Hyrjen e Shkodrës por të gjitha mbeten premtime të cilat shkodranët i dëgjojnë që prej vitit 2016 (së paku). Ndërsa terminali i autobusëve ka kohë që është harruar si premtim!
Beneti i Becajve nuk është i zoti për më shumë sepse kaq mbështetje gjen nga ‘armikja’ e tij në parti Belinda e Ballukajve, e cila është qindra mijëra herë më afër Ramës se Beci i Spakut.
Benetiani i Parë del e inspekton të njëjtat punime herë pas here sa për të treguar se Spaku po e len të lirë edhe për pak ditë. I shoqëruar nga kamera e tij, Beci nuk ka guximin të marrë pas vetes gazetarët e të përgjigjet 1 herë të vetme, pse është zyrtarisht nën hetim nga Spak? Kaq ia ka borxh Shkodrës dhe shkodranëve si qytetar i parë që është…
Nuk merr pjesë në asnjë mbledhje të Këshillit Bashkiak, sepse Spakisti ka frikë përballjen, ka frikë të vërtetën dhe si një ‘burrë trim’ zgjedh të struket në zyrën e shtetit i rrethuar nga tiranasit e tij të besuar duke ndjekur mbledhjen në privatësi dhe duke ‘hapur veshët’ ça po thotë opozita për të.
Erdhi si një kandidat A-politik, përtej së majtës e së djathtë, me ngjyrë portokalli (as blu as lejla), u bë palë me Elisa Metamorfozën, bëri pazaret e ndarjes së tenderave e drejtorive me krimin në këmbim të grabitjes së Shkodrës, sepse nën siglën e Rilindjes nuk do arrinte të drejtonte kurrë Bashkinë Shkodër.
Oreksi u rrit….Beci u bë më në fund politik dhe shefi i tij i ‘veshi kostumin’ e të deleguarit politik të Qarkut. Spakisti tashmë nën hetim, nuk arrin të bëjë as kryebashkiakun e as të deleguarin pasi këmbët i ka të lidhura nga aferat korruptive të djeshme dhe dënimin e ka pas dere. Buzëqeshja fallso bëhet çdo herë e më e dukshme pasi frika nga hetimet e hapura rritet nga dita në ditë.
Spakisti i ka ditët e numëruara në krye të Bashkisë Shkodër, partia dhe shefi do e braktisin siç kanë bërë edhe me të tjerët. Bashkia Shkodër do çlirohet nga hajnia dhe pazaret me krimin që nuk sollën aspak zhvillim përveçse mjerim, varfëri e shpopullim masiv të mëtejshëm.
Tashmë s’ka kolektor, treg Rusi e as Zdrale që e shpëton Spakistin nga dënimi i Spak, është vetëm çështje ditësh që Shkodra të zgjidhë ‘nyjën’ rilindase që i ka bllokuar frymën e zhvillimit dhe të lirisë!
