( Pjesa e parë. Hamendësim pak komik😎)
Kur e ke mbushur ekipin qeveritar, bashkiak, parlamentar, policor, gjyqësor, me horra e zuzar bandash, je një Don i shpallur i Mafias. Shumë sekrete i kanë rrjedhur. Por ka një mundësi. Ka një rast disi teorik, por me rëndësi madhore. Dhe është.
KM. që mund të ishte “Rama i penduar”
Kjo mund të na tregojë të vërtetat e mëdha. Një përmbledhje e këtij rrëfimi hamendësuar në zhvillimet e kësaj dekade, do të ishte:
“…Në Ministrinë e Kulturës pasi u ktheva nga Franca ashtu i lodhur, nisa të kuturis ndonjë kacidhe. E nisa me fasadat e ministrive. Lek kollaj. Hidh bojë e ujë. Pastaj erdhi Këmbana e Paqes kjo e varur para Piramidës. Ata paguan unë hodha dhe një dorë për vete. Sajuam një festë në Pezë për këto pallavrat partizane. Ngrohëm pak xhepin. Bashkia u bë thesar. Kërdisëm lejet e ndërtimit në pallate. Shkoi deri në 20 përqind. Donte lek partia. Kur bitisa 3 mandate ashtu në sherr me tufën mezi mbylla nja 70 milionë dollarë të vogla. Britanikët e shërbimeve e hodhën sekretin në medie. Me çka kisha, bleva PS-në mesnatave sepse Mejdani më palosi me platformën. Ashtu me Ruçin ia gjetëm anën Tosit. Ves për ves u gdhiva kryetar opozite. Berisha më shpartalloi në dy palë zgjedhje. Në 2013 e kisha ndarë mendjen. Pa banditë e kriminelë ai nuk mundej me vota. Kisha sajuar më parë.21 janarin 2011 me trafikantë e të tjerë ustallarë matanë ujit. Mblodha qelbësira e të dënuar brenda e jashtë, vrasës e trafikantë. Mora pushtetin me ta. Sa u bëra KM fillimisht duheshin zëvëndësuar ca harxhime.
armët kimike desha të bëhesha lider global në muajt e parë 2013. U thashë amerikanëve e bëj unë. Takova dhe Lavrovin. Mendova se Obama unë dhe Putini drejtonim dynjanë. Ma menderosi populli.
Platforma e parë
Mora licencën ndërkombëtare të hashashit. Ata më thanë tre vite. Unë sia ndava. Vura Saimirin administrator. Milionat e eurove vërshonin. Raportet e Guardias i qëndiste gjeneral Lisi me 99.8 përqind asgjësime. Turi, një mik djathtas e binda me ofertë, që do ju flas më vonë nëpërmjet porosisë së Engjëllit dhuroi prona në bregdet. Për dreq një oficer kokëkrisur, Zagani, sa malok Shkodre, por nip Vlore, na hodhi në erë. Kapi skemën dhe Sajmirin. Antimafia italiane i besoi atij jo neve. Në kulmin e kultivimit sajuam një vizitë te Obama një djall e gjysëm na vajti por kishim me tepri mjete demokratike bindëse. Ambasadorët i kisha bërë dele. Ua dija pinin financiar dhe erotik të gjithëve. Për dy vjet më kërkuan reformë në drejtësi. Jo u thashë. Nuk isha dakort. Ata në shtator 2015 hodhën gjoja padashje se unë kisha bërë 200 milionë euro. I menaxhonte Olsi në USA. Ç’të bëja. U thashë po. Por e ujdisa me Xhorxhin e vëlla Leksin ta bënim private me ushtarët tanë. Kollaj. Bleva dhe ca mendimtarë juridik e politik opozite të cilët me zarfat e majme ishin më të zellshëm se të mitë. Çunat e zgjedhjeve e trashën kokainën. Në dhjetor 2014 e janar 2015 në Laboratorin e Xibrakës për pak më arrestuan vëlla Olsin se hardallisej me bandën e kokainës si kaposh. Gjeta prokurorë e policë për ta verbuar dosjen. E mbylla me njëmijë bela. I thashë do merresh me punë tjera. U kap pas ca izraelitëve dhe ukrainasve me call centra mashtrime financiare. Leku letër. Gati ma kalonte mua që kisha qeverinë private. Futëm në Kuvend ca trafikantë vrasës e përdhunues. Kishin aksione. Kishin marrë vota pa fund. Na dhanë dorë e bëra bashkiak në Tiranë, këtë sevdalliun e Leksit, këtë që është gati për kafaz tani. Në korrik 2016 duke përdorur aleartë, mora 140 vota për reformën në drejtësi. Siç e doja. Me njerëzit që doja. Tani ndalesë për asgjë. Do hiqja qafe prokurorë e gjyqtarë. Fillimisht veriorët. Pastaj të djathtët edhe nëse do ishin nga jugu. Në 2017 opozita po bëhej e fortë. Sajova marrëveshjen e majit. Ajo është kapitull më vete. Orë pa fund mesnate. Do ndalojmë veçan aty. Bora Metë. President duke holluar opozitën. Reformën territoriale e kisha kafshuar si doja vetë. Opozita as kërkoi të ndryshonte hartën. E bëri pushim. Aq më keq. Në 2019 e trullosa fare duke e hequr qafe nga zgjedhjet lokale. E dini vetë para hedh ujin përpjetë. Unë hodha zgjedhjet..”
Vijon…”Rrëfimi është hamendësim…”
