Krimi si normalitet ditor dhe bonus elektoral

“ Pusheti është gjithmonë i rrezikshëm. Ai tërheq më të poshtrit dhe korrupton më të mirët. Pushteti u jepet vetëm atyre që janë të gatshëm të poshtërohen për ta marë atë. », thotë Ragnar Lothbrok.
Rrokullisja e sundimit të ligjit në një thertore, dalja si forcë e parë kontrolli, e krimit të organizuar, MAFIA-s, ka mbjellë një kaos në Shqipëri, të pa-hasur askund tjetër gjithnjë e më mbytës.
Si po ndodh?!
Në fillim hodhën para për të blerë mostrazim nga pushteti. Në 2013-ën, u rrit oreksi. Gjetën shteg të bëhen pjesë. Me ardhjen e Ramës, të fortët, njerëz me rekorde kriminale u rekrutuan elektoralisht. Kryetar bashkie, deputetë, administratë. Tani Ata, futën përfaqësuesit e tyre në zyrat publike. Eh siç dihet oreksi shtohet duke ngrënë. Në përpjekjen për të vënë vetulla ne nxorëm sytë. U sajua e quajtura Reformë në Drejtësi. Një gjellë e gatuar dhe paguar nga “Soros” deri në detaje. Nënshtetësia amerikane e Xhorxh dhe Aleks tutorëve të këtij produkti, nuk e bëri mallin e së drejtës, made in USA ku i vetmi produkt amerikan bio i investuar ishte dollari. U larguan prokurorë e gjyqtarë. U quajt vetting. Kishte vend për të ndërhyrë sigurisht. Por shihni dosjet Sky-Enchochat. Çdo kërkesë e bandave për të shkarkuar apo lënë në detyrë një njeri të drejtësisë konfirmohej. Rritën përqindjen e tyre në bashki parlament administratë e drejtësi. Policinë e Shtetit nga eksperimenti “Tahiri” e morën thuajse nën kontroll si drejtim. Sot kanë titullarin një nga të investuarit kryesorë. U bënë Zotër elektoralë. Pëllumb Gjoka korrte mandate. Shpërblehej si investitor strategjik. Çyrbja në Durrës dëshmon se si bandat bënin renditjen në listën e deputetëve dhe Rama firmoste dakort. Ekonominë e kanë zaptuar në çdo qindarkë. Pronën publike e kanë vjedhur në çdo metër. Benet Becit, seftexhiut socialist, i dalin hesapet e vjetra, kur ka rënë nën kontrollin e bandës së qytetit. Në qeli janë një dyzinë deputetë, bashkiakë e ministra. Të pandehur nga qeveria janë shumë më tepër rrugës për qeli. Becchetti mori 110 milionë euro para tonat, falë kriminalitet të sjelljes së KM, sekretarit të tij dhe Kryebashkiakut. Në çdo vend ku nuk ka SPAK, të tre zyrtarët e shërbyer si provë e humbjes së gjyqit, do të ishin të pandehur. Në muajt e mbetur deri në zgjedhje Mafia jo sekrete po ruhet nga pushteti ortak duke ndikuar mbi drejtësinë. Ata po bëhen gati për darkën e fundit të pushtetit. Nëse ia dalin, përkon me darkën e fundit të ekzistencës së shtetit.
Po PD dhe Opozita?!
Nuk ka shumë sekrete. Mos presin se do të kandidojë Trump në Shqipëri e Rama do ikë i bindur. Duhet program. Duhet zbritur te njerëzit. Se kërkohet falje për ca gomarllëqe e gomerë në të shkuarën nuk bëhet keq. Përfaqësues që t’i dojë elektorati, votuesi, jo thjesht udhëheqja partiake. Të jenë jashtë “Sigurimit” e “Soros” Të mos arnojnë rrobat e grisura, së paku pa i larë më parë. Mos gënjehen me biznese natën me pushtetin e akuza ditën. Duhen bindur njerëzit se nuk do të ketë hajdutë, përfaqësues bandash, zara ambasadash, ekonomia do u kthehet, shërbimet nga taksat po do i marrin. Ka lënë Rama aq shumë arsye e punë pa bërë, aq shumë krim rreth vetes, sa teprojnë shanset për ta mundur.