Shteti shqiptar Edi Rama dhe Ministria e Shëndetësisë Albana Koçiu u thonë pacientëve shqiptar, që ju duhet të sëmureni vetëm nga data 1 e deri në datën 20 të çdo muaji. 10 ditët e fundit, as mos t’iu shkoj mendja fare të sëmureni, për shkak se në spital nuk do të bëni analiza. Kjo për shkakun se mbaron fondi.
Është skandaloze ajo që po ndodh në spitalet publike, ku pacientët të cilët shkojnë për të marrë shërbim, nuk u bëjnë analiza, dhe mbeten dy mënyra, ose doktori bën parashikim me sy e me dorë, ose do e çojnë pacientin në privat.
Konçensioni i Laboratorëve vërtetohet se është një dështim sa kohë nuk plotëson nevojat e pacientëve.
Kërkesa e Drejtorisë për të mos bërë analiza rrezikon pacientin, pasi atij/asaj nuk do i bëhen kontrolle të nevojshme për sëmundjen.
Mosbërja e analizave ka prekur Onkologjikun, ka prekur urgjencën, ka prekur sallat operatore në QSUNT. Ka prekur Spitalet Rajonale.
______
Teksa po diskutohet buxheti, Qeveria Shqiptare duhet të gjej një formë për të zgjidhur këtë skandal i cili rëndon mbi pacientët shqiptar.
Nuk mund t’i sigurosh dikujt rrugë, ndërsa nuk ka mundësi të diagnostikohet në spital. Nuk ka gjë më të rëndësishme sesa jeta.
Është më shumë se skandaloze kjo gjë që po ndodh në spitalet publike.
