Ka ndërruar jetë Mitropoliti i Beratit, Vlorës dhe Kaninës, Imzot Ignati.
Presidenti i Republikës, Bajram Begaj ka shprehur ngushëllimet dhe vlerësimet si më poshtë:
Sot, besimtarët ortodoksë të Beratit, Vlorës dhe Kaninës humbën Mitropolitin e tyre, Hirësinë e Tij, Imzot Ignatin. Arvanitas, me origjinë nga Thiva e Greqisë, ai e zotëronte shumë mirë gjuhën shqipe.
Nga viti 1998, deri më sot, në misionin e tij si Mitropolit ai punoi pa u lodhur për ringritjen e kishës, ndihmën e njerëzve në nevojë dhe mbarëvajtjen e harmonisë fetare në vend.
Shpreh ngushëllimet e mia për besimtarët e Mitropolisë së hirshme të Beratit dhe gjithë komunitetit ortodoks të Shqipërisë për humbjen e këtij bariu të kishës!
I përjetshëm qoftë kujtimi i tij!
Ngushëllime!
