Me propozim të kryeministrit Edi Rama, në datën 2 dhe 3 korrik, flamujt do të ulen në gjysmë shtizë.
Do të jenë 2 ditë zie, për ndarjen nga jeta të shkrimtarit të famshëm, Ismail Kadare.
Vendimi është marrë ditën e djeshme në mbledhjen e qeverisë.
Homazhet do të mbahen në Teatrin Kombëtar të Operas dhe Baletit, të mërkurën në datën 3 korrik, nga ora 09:00-11:00 dhe 11:30-12:30.
Ndërsa në orën 13:00 do të ndërpritet çdo aktivitet dhe do të mbahet 1 minutë heshtje, teksa RTSH do të transmetojë muzikë funebre.
