Në fillim të heqin nga puna, pastaj të përzënë nga Shqipëria dhe Ministria e Arsimit të vjedh shkrimet duke shkelur ligjin…
Teksti i mëposhtëm i paraqitur në foto është teza e provimit të shtetit në maturë i gjuhë – letërsisë. Është teksti që unë publikova para ca ditësh në faqen time të fb në lidhje me përgjigjen e tim biri pyetjes së profesorit të logjikës në gjimnazin që ai ndjek në Vjenë. Programi i mëngjesit në ABC NEWS i bëri një paraqitje mjaft dinjitoze këtij shkrimi duke qenë dhe unë vetë e intervistuar në emision. Shkrimi është lexuar e shpërndarë gjerësisht duke qënë e kuptueshme arsyeja por nuk ma merrte mendja se Ministria e Arsimit do ta merrte pa lejen e autorit, duke shkelur ligjin për të drejtën e autorit, duke mos cituar cili është autori.
Mua personalisht më bëhet mjaft qejfi që krahas Shakespeare, Naim Frashërit e autorëve të tjerë botërorë që janë pjesë e kurrikulës arsimore në maturë, të jetë dhe një punim i imi e ky është nder dhe vlerësim. Por sa kohë tekstin e marrin pa pyetur, pa marrë leje e aq më tepër kur nuk shkruhet as emri i autorit atëherë mua më lind menjëherë e drejta ta hedh ne gjyq ministrinë e arsimit për shkeljen e ligjit ndaj të drejtës së autorit. (më shkoi jeta gjyqeve në Shqipëri!)
Në fillim të heqin nga puna me të padrejtë, 8 vjet gjyqeve unë (por e fitova të drejtën time më në fund), pastaj të përzënë nga Shqipëria pasi të kanë vjedhur pronën e të kanë kërcënuar me jetën e fëmijëve e ndērkohë që të kanë përzënë e të kanë sorrollatur gjyqeve me vite, ministria arsimit të vjedh dhe shkrimet duke shkelur ligjin. Ah, Shqipëri!
