Ditën e sotme janë publikuar pamje të reja nga shpërthimi që tronditi qytetin e Lushnjës pasditen e djeshme.
Ngjarja e rëndë shkaktoi dy viktima dhe shtatë të plagosur, si dhe dëme të shumta materiale.
Sikurse duket edhe nga fotot që po qarkullojnë në rrjetet sociale, shpërthimi ka krijuar valë të fuqishme goditjeje dhe një re të madhe tymi.
Mësohet se mëngjesin e sotëm, grupi hetimor është rikthyer në vendin e ngjarjes dhe po punojnë për të zbardhur shkaqet që çuan në këtë ngjarje të rëndë.
Grupi përbëhet nga ekspertë të Inspektoriatit Shtetëror, prokurorja e Fierit, inxhinierë të OSHEE, njësia anti-eksploziv dhe policia e Lushnjës.
Njëkohësisht një grup pune nga bashkia po përgatitet për të verifikuar dëmet në biznese dhe banesa.
Kujtojmë se shpërthimi u regjistruar rreth orës 15:30 të pasdites së djeshme në vendin e quajtur “Rreth-rrotullimi i Plastmasit”, në një kapanon në ndërtim.
Teksa punonin me një vinç, në kabinë ndodheshin dy viktimat, atë e bir, Roland dhe Elidon Hoxha.
Vinçi pi ngrinte një bombol oksigjeni që do të përdorej në lartësi për të kryer saldime, maja e mjetit të hekurt ka hasur në telin përcjellës të tensionit të lartë e për pasojë bombola ka shpërthyer.
Dy viktimat janë, Roland Hoxha dhe Elidon Hoxha
Të plagosurit:
Sokol Lumi
Bujar Çela
Sajmir Korreshi
Ilia Sota
Lunedi Golemi
Ervis Sharka
Eriget Gorovelli
